II Malunda 22:4 - O Mikanda Ikola

⁴ Anga u bhanga muene kia ibha ku mesu ma Jihova, kala akua dibhata dia Akabe, mukonda ene a kexile ku mu bhana o kaiula, kioso kia fu tatʼâ, phala o dibuikilu diê.

II Malunda 22:4 ပူးပေါင်းရင်းမြစ်များ

II Malunda 22:3

Muenhú ue uende mu jinjila ja dibhata dia Akabe; mukonda o manhʼâ ua kexile, muene mukua ku mu bhana o kaiula, mu kubhanga ima ia ibha.

Jisabhu 1:10

Monʼami, akua ituxi se a sota ku kusendula ni izuelu iâ ia ẋanana, eie kana ku a evua.

Jisabhu 12:5

Athu a iuka, ni ixinganeku iâ iezala kidi ni kilunji; maji o jiphangu-phe ja athu a bhumu, jʼezala mangonha moso.

Jisabhu 13:20

Uoso uenda ni jinjimu, u biluka njimu; uoso-phe u kala kamba dia ku kaiela o ioua, kanange kukituka kala ene.

Jisabhu 19:27

Eie monʼami, se uevu kia ku longo, ximbakata kiá; kana dingi ku kuata o kubhita bhu mbandu, ni kuxa o maka ma kuijiia.

Daniiele 3:2

Anga sobha Nabukodonozolo u tuma kubhongolola anʼa jingana ni jinguvulu jaʼxi, ni tubhitangu, ni afundixi, ni a-lunda-mbongo, ni jindongixi, ni jifixiiadi, ni jinguvulu joso ja jisengo, phala eze ku lubhandu lua kulumbila kiteka kiemika sobha Nabukodonozolo.

Daniiele 3:24

Kienhiki sobha Nabukodonozolo ua diuana, anga ufundumuka lusolo; hé uambela tubhitangu tuê, uixi: Abha ki mala atatu u tua takula mu túbhia, òkute ni mikolo? Ene a mu vutuila, exi: Kia kidi muene, sobha.

Mikeia 6:16

Kuma kia mi beta kota o ku dituma ni itumu ia Omedi, ni kubhanga o ima kala ia bhanga jinga akua bhata dia Akabe, enu muala mu kuendela mu jingonge jala ku mi longa ene, phala eme ni ngi ku jime o mbutu, o ió a tungu mu diembu dié, ni ua a tumbula dingi ka moneka; endelela muene kala muphióphio; o kusekala kua mundu uami anga mu ku bheka ku thandu dienu.