II Malunda 22:2 - O Mikanda Ikola

² Ua kexile mu makuinhi a uana a mivu ni kiiadi, kioso kia mateka o kutumina, ua tumina muvu umoxi mu Jeluzaleme; o dijina dia mamʼâ, Ataliia, monʼa Holí.

II Malunda 22:2 ပူးပေါင်းရင်းမြစ်များ

I Jisobha 16:28

Anga Omidi u zeka ku mukànda ua mavu kumoxi ni ʼtata jê, anga a mu funda mu Samádia; anga o monʼê ua diiala, Akabe, u hinga ungana bhu kididi kiê.

II Jisobha 8:18

Hé uenda mu jinjila ja jisobha ja Izalaiele, kala ue kia bhanga jinga akua dibhata dia Akabe, kuma muene muhetuʼê a kexile-nê, monʼa Akabe; anga uia ni kubhanga ioso ia ibha ku mesuʼa Jihova.

II Jisobha 8:26

Kieneʼokio Akaziia uala ngó mu kitala kia makuinhi aiadi a mivu ni kiiadi, kioso kiandeka o kutumina, anga u tumina muvu umoxi mu Jeluzaleme. O dijina dia mamʼâ a muʼixana jinga exi, Ataliia, monʼa Omidi, sobha ia Izalaiele.

II Malunda 21:6

Iú uende mu jinjila ja jisobha ja Izalaiele kala kia bhanga jinga dibhata dia Akabe; mukonda monʼa Akabe muene ua kexile mukajiʼê; anga uenda ni kubhanga kia ibha ku mesu ma Jihova.

II Malunda 22:1

Ià oso a tungu mu Jeluzaleme, anga a ta Akaziia ku usobha, monʼê ua kasule, bhu kididi kiê, mukonda o anʼa makota oso, a a jibhile kuala o masoladi ejiie ni akua Alábia bhu kibangu; kienhiki Akaziia, monʼa Jolá, kia hingi o ungana ua Juda.

II Malunda 22:3

Muenhú ue uende mu jinjila ja dibhata dia Akabe; mukonda o manhʼâ ua kexile, muene mukua ku mu bhana o kaiula, mu kubhanga ima ia ibha.