II Malunda 20:4 - O Mikanda Ikola

⁴ Akua Juda oso hé a di bhongolola mu kubhinga dikuatekesu kua Jihova; o mu jimbonge joso ja Juda ue mua tundu athu eza mu kusota Jihova.

II Malunda 20:4 ပူးပေါင်းရင်းမြစ်များ

II Malunda 11:16

O kuema dia iâ, kua kaiela eneʼoso mu miji ioso ia Izalaiele, a bhana mixima iâ mu kusota Jihova, Nzambi ia Izalaiele, eza mu Jeluzaleme phala kubhana jisata kua Jihova Nzambi ia jitata jâ.

II Malunda 19:5

Iú ua te afundixi mu ixi, mu jimbonge joso ja nguzu, mbonge ni mbonge.

II Malunda 20:5

Jozafate anga uimana mu kaẋi ka kionge kia Juda ni kia Jeluzaleme, mʼonzo ia Jihova, bhua lulama ni lumbu lua ubhe,

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 56:4

Kua Nzambi, kuene ku ngi tunda o kulúnga, kua Nzambi, kuene, ku nga dielela; ki ngi kala dingi ni uoma. Hé kima, xitu i tena ku ngi bhangaʼhi?

Jisálamu 69:35

Mukonda Nzambi hinu u bhulula Ziione, u tunga dingi o mabhata ma Juda; u sanga athu a xikama, a vu dingi o jimbongo jâ.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Amoji 5:4

Mbata, Jihova, dibhata dia Izalaiele ua di tangela, kuila: Ngi sotienu, nda mu kale ni muenhu!

Sofoniia 2:1

Dibhongolole, luamukuá dingi, dibhongolole u di tongolole kia mbote eie u muiji kuene ni sonhi!