II Malunda 2:6 - O Mikanda Ikola

⁶ Maji-phe muthu nanhi u kala ni nguzu ia ku mu tungila inzu, se hanji o maúlu ene, katé ni maúlu a maúlu a lémbua ku mu sueka? O eme, eme nanhi, ngi mu tungila inzu, ki inzu ngó ia ku muʼohela uasu ua dizumba bhu pholo iê?

II Malunda 2:6 ပူးပေါင်းရင်းမြစ်များ

II Samuuele 7:18

Davidi, muenexi, bhenhobho u bokona hé u xikama bhu pholo ia Jihova, uixi: emeʼeme nanhi, Ngana iami, Jihova, tata! dibhata diami akuahi, phala u ngi bheke ditala kala didi?

I Jisobha 7:13

Kia bhiti kiki, Solomá uatumu jiphunga ku Tilo, mu kuixana Hilamu, diiala uejidile ufunu ua kuzunza utadi ua ngòndo phala kukalakala na-iu ima ioso ia fuama,

I Jisobha 7:14

muenhú monʼa mutudi ua muhetu ua tokala ku muiji ua Nafitali, o tatʼâ ua kexe mukua Tilo. Hilamu muenhú anga Ngana u mu bhana o uhete ni kuijiia ni kutetuluka kua kuzunza o utadi ua ngòndo ni kukalakala na-iu o imbamba ioso iatokala, muenhú ueza kua sobha Solomá, hé u mu bhangela o kikalakalu kia bhindamenene.

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

I Malunda 22:15

Kuma eie-phe uala ue ni akalakadi andumba akua kusula, ni akua kubatula ni akua ufunu ua kusonga matadi ni akua kutunga jinzo ni asongi a mabaia, ni jingijiie ja nzungule ala jihete mu ikalakalu ia vulu matelu.

I Malunda 29:14

Mukonda eme-eme nanhi, o mundu uami ue à nanhi, ni tu kale ni kutena kua ku ku bhana ni vondadi o ima ia difu kiki? Mukonda o ima ioso i tunda kokué, etu ue tua i bhana bhu lukuaku luê.

II Malunda 1:10

Ngi bhane-phe kindala o kuijiia ni unjimu, mbé ngi tene kutunda ni kubokona, mu kaẋi ka mundu iú; mbata nanhi muene u tena kufundisa mundu ua vulu kiki?

II Malunda 6:18

O kuila ni kidi kiene, Nzambi u tunga ni athu mu ngongo? Tala-ze o diulu ni diulu dia madiulu dia lémbua ku ku kondeka, kuila eie u soka-ku, kuambe dingi o inzu iii i nga ku tungila?

Makatukilu 3:11

Mozé anga u ambela Nzambi, uixi: Emiʼeme nanhi, Ngana, nga kàie kua Falaó, ni nga kà tundisa anʼa Izalaiele mu Ijitu?

Makatukilu 31:5

Ni kuseta matadi a kusokeka, ni kusonga miẋi, ni ufunu uoso muene ua kuiudika.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:14

maji jisata ja kuoha ni ima ioso kiá i nga ku xindi kale u ji bhakuila bhu kididi kioso ki sola Jihova, phala kukala kididi kiê, muʼaxaxe ka kibuka kimoxi kia tungula mu ibuka ienu.

Matendelelu 12:26

Maji ioso ima i ua lumbila Nzambi, ni ioso kiá i mua tela hasa ienu, muiza na-iu muene bhu kididi kioso kia tungula Jihova,