II Malunda 2:3 - O Mikanda Ikola3 Solomá hé u tumikisa njimbu kua Hilamu, sobha ia Tilu, kuila: Kala ki ua bhange kua tatʼetu Davidi, eie ua mu tumikisa jinga miẋi ia sédulu phala kutunga inzu mua kukala, kiene ue ki u ngi bhanga eme. အခန်းကိုကြည့်ပါ။ |
Ala mu kuohela Jihova, imene ioso ni ngoloxi joso, sata ja kubhakula ni túbhia kua Jihova, ni uasu ua dizumba, ni kutula kiambote ku meza ma zele o jimbolo ja kutela, ni di tudilu dia jikandeia dia ulu ni jikandeia jê, mbé o ku ji uika mu ngoloxi joso, mukonda etu tuala ni muanu ua kikalakalu kia Jihova, Nzambi ietu; maji enu-phe mua mu xi.
Kioso kia zubha o kukalakala, o kitadi kia subhuka-ku, eza na-kiu kua sobha ni kua Joiada, anga a ki bhanga itutu phala inzu ia Jihova, itutu phala ukunji ni ku bhela jisata, ni uasu ua dizumba, ni itutu muene ia ulu ni phalata. Izuua ioso anga a kala mu kubhana jisata ja kubhakula ni túbhia kua Jihova, mʼonzo ia Nzambi, mu izuua ioso ia Joiada kulu-dia-mundu.
O sobha Silu, mu muvu uê ua dianga, ua bhana ngonge iii: Mu kuzuela ku inzu ia Nzambi mu Jeluzaleme, ia fuama ku i tunga phala kididi kia ku bhela jisata; o madisesa mê ma kola muene; o kitala kiê, makuinhi a samanu a kóvadu; o kuzanza kuê, makuinhi a samanu a kóvadu; ni mikalatata itatu ia matadi a makota, ni umoxi ua miẋi ia ubhe.