II Malunda 2:1 - O Mikanda Ikola

¹ Solomá anga u xinganeka dijina dia Jihova ku di tungila inzu ni kutunga ue inzu phala o utuminu uêmuène.

II Malunda 2:1 ပူးပေါင်းရင်းမြစ်များ

I Jisobha 5:15

Solomá uakexile hanji ni makuinhi sambuadi a midi ia jíngamba ja kuambata o imbamba, ni makuinhi nake a midi ia muthu akexile mu kubula o matadi ku milundu.

I Jisobha 5:5

Kala kiki, nga mu xinganeka-phe kiá dijina dia Jihova Nzambi iami kuditungila Tembulu. O kienhiki, Jihova, mu ku ki tangela Davidi, tatʼetu ua mu zuelelele kiki, uixi: O monʼé nga-nda ku mu xikika bhu kiandu kia ungana bhu kididi kié, muene ua kà tungila o dijina diami Tembulu.

I Jisobha 7:1

Solomá hé utunga ue o dizemba die, anga ubhanga kuinhi dia mivu ni mivu itatu phala kudizubha.

I Jisobha 8:18

Maji o Ngana-phe uambela tatʼetu Davidi uixi: Eie kuma kia ku kala ku muẋima ué kutungila o dijina diami inzo, kima kiambote ki ua bhange o ku ki kana ngó ku muẋima ué.

I Jisobha 8:20

Ngana kienhiki ua tenesa o kizuelu kiê kia tangele; mukonda eme nga balumuka bhu kididi kia tatʼetu Davidi, eme nga xikama ku kiandu kia Izalaiele, kala kia ki tange Ngana; o dijina dia Ngana, Nzambi ia Izalaiele eme nga di tungila inzo.

I Jisobha 9:1

Anga ki bhita-phe kuila, kia zubha Solomá kutunga inzo ia Ngana, ni inzo ia sobha, ni hânji ioso ia Solomá, ia mu kexile ku muẋima ku i bhanga,

I Malunda 22:10

Muenhú muene ua kà tunga inzo phala o dijina diami; muene ua kà ngi kala monʼami ua diiala o eme ue ngi mu kala ngi tata iê; nga ka xikika o kiandu kia utuminu uê, ku thandu dia Izalaiele, katé ku hádia ni hádia, sé dizubhilu.

II Malunda 1:17

Iá a kexi mu kuila dingi o makalu ku tunda mu Ijitu ni ku banda, dimoxi di ta hama jisamanu ja xikulu ia phalata, o kabalu kamoxi hama ni makuinhi a tanu; kienʼiki ue kiene kia kexile mu kubhanga, mu ku katula jikabalu phala o jisobha ja mahiti ni jisobha ue ja Sídia.

II Malunda 2:12

Anga Hilamu uamba dingi, uixi: A tane-ku! Jihova Nzambi ia Izalaiele! Ua bhaanga o diulu ni ixi; Muene ua bhana kua Davidi mona uejiia; njimu iònene, ua xitunuka kiavulu mu thulu, a tunge inzu phala Jihova ni inzu ia utuminu uê muene-muène.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:5

Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 28:58

Se ua kambe kualuka ni ku kumbidila o maka moso ma Kitumu kiki, mòsoneke mu Ndunda ienhiʼii, anga u kamba kuxila o dijina diangene dikola, di kuatesa uoma, o dijina dia Jihova Nzambi ié,