II Malunda 18:4 - O Mikanda Ikola

⁴ Jozafate anga uambela dingi sobha ia Izalaiele, uixi: Lelu, nga ku diondo, ibhula hanji o kizuelu kia Jihova.

II Malunda 18:4 ပူးပေါင်းရင်းမြစ်များ

II Samuuele 2:1

Kia bhiti iene ioso iii, Davidi u ibhula kua Jihova, uixi: Ki ngalʼiki, ngi banda ku mabhata ma Juda, inga kana? Jihova anga u mu ambela, uixi: Banda. Davidi uixi: Ngi kana dibhata diebhi? Ngana, uixi: Uia ku Hebolone.

II Samuuele 5:19

Davidi anga u ibhula kua Jihova, uixi: Ngi banda mu kúlua ni akua Fidíxia, inga kana? Manhi ua-nda ku ngi thelekala-nâ bhu lukuaku luami? Jihova anga u ambela Davidi, uixi: Banda, kuma ni kidi kiene akua Fidíxia nga kà a thelekala muene bhu lukuaku lué.

II Samuuele 5:23

Davidi-phe ki ebhula kua Jihova, Jihova uizi: Kana kubanda; inda u ta honda, hé u a kondela ku dima, ua a zombela bhu miẋi ia jimolela.

II Malunda 18:3

Mukonda Akabe, sobha ia Izalaiele, uambela Jozafate, sobha ia Juda, kuila: Eie uia nʼeme ku Lamote-Ngiliiadi? Muene anga u muʼambela, uixi: Kioso ki uala eie, kiene ue ki ngi kala eme; o mundu uami ela kala o mundu ué; mu ita iii tu kala nʼeie kumoxi.

II Malunda 18:5

Bheneʼobho-phe o sobha ia Izalaiele u bhongolola, jipolofeta joso, hama jiuana ja athu, ua ebhula, uixi: Tuia ku ita mu kúlua ni Lamote-Ngiliiadi, inga ngi muʼehʼê? Ene-phe exi: Banda; kuma Nzambi ua-nda ku mu bhana bhu lukuaku lué, sobha.

II Malunda 34:26

maji-phe o sobha ia Juda ua mi tumu ku ibhula kua Jihova, mua kà mu tangela kiki, muexi: Ku maka ió u uevu, Jihova, Nzambi ia Izalaiele, uambe kiki:

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jelemiia 21:2

Nga ku diondo, tu zuelesele Jihova u mu ibhule kiambote, kuma Nabukodonozolo, sobha ia Babilonha ua mu lua ita ni etu, sumba-phe, Jihova u tu fikidila, kala kia tokala ukalakelu uê ua madiuanu, nʼa tu sondoluele-nê.

Izekiiele 20:3

O Jihova Nzambi uambe kiki: Eʼ monʼa muthu, zuelela adiakime a Izalaiele, u a tangele, kuma: O Jihova Nzambi ua zuela, uixi: Enu mueza ku ngʼibhula eme? Nga di lokela muene, kuma enu ki mua-nda ku ngʼibhula, lémbue.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:4

Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.