II Malunda 18:2 - O Mikanda Ikola

² O ki bhua bhiti tu mivu, uia mu ku kunda Akabe ku Samaria. Akabe inga u jibha jimbudi ni jingombe ja vulu muene phala muene ni mundu uê ueza na-u; hé u mu bhomba kubanda-nê ku Lamote-Ngiliiadi.

II Malunda 18:2 ပူးပေါင်းရင်းမြစ်များ

I Jisobha 1:9

Adoniia anga u jibha jimbudi ni jingombe, ni ibhaku ia jisevadu, bhu Ndánji ia Nhoka, bhua zukama ni bhu tabhu dia kusukuila (Eni-rokele); hé u ixana o phange jê joso anʼa muenexi, ni akua Juda, a tokala mu mbèle ia muenexi.

I Jisobha 17:7

Anga ki bhita-phe kuila, ku izuua, kangiji ka uinina, mukonda kienhokio mu ixi ki mua nokene mvula.

I Jisobha 4:13

Bene-Ngabele, mu Lamote-Ngiliiade ni jisanzala ja Jaíle monʼa Manasa mu Ngiliiade ja mu tokala, ni ixi ioso ia Alekobe mu Basane, ia mu tokala, makuinhi asamanu a mbonge a bhiti imbaka ni jitalanga ja utadi ua kobidi:

II Jisobha 9:1

Kieneʼokio-phe o polofeta Ilizeu uixana umoxi ku anʼa jipolofeta, hé u muʼambela, uixi: Di kute o phonda mu mbunda, u zangule o mudingi iú ua maji, u uambate bhu maku mé, nda uie bhu Lamote dia Ngiliiade:

II Malunda 18:3

Mukonda Akabe, sobha ia Izalaiele, uambela Jozafate, sobha ia Juda, kuila: Eie uia nʼeme ku Lamote-Ngiliiadi? Muene anga u muʼambela, uixi: Kioso ki uala eie, kiene ue ki ngi kala eme; o mundu uami ela kala o mundu ué; mu ita iii tu kala nʼeie kumoxi.

II Malunda 19:2

O Jehu, monʼa Hanani, mukua lumono, hé u tunda mu ku mu tumbidila, uambela sobha Jozafate, uixi: Eie ueji ku kuatekesa muthu ua ibha, ni kuzola ió a zembe Jihova? Kiene njinda ia dikota ia Jihova ki iejila ku thandu dié.

Nehemiia 13:6

Kia bhiti-phe ima ioso iii, eme mu Jeluzaleme ki ngʼala-mu; mukonda ku muvu ua makuinhʼatatu nʼiiadi ua Artaxerxe, sobha ia Babilonia, eme ngendele kua sobha muene mu di kunda-nê; o kia bhiti-phe tuizuua, sobha ua ngeha-ke, eme nga vutuka dingi mu Jeluzaleme.

Matendelelu 4:43

Mu kikangalakata ku kiphenza, phala akua Lubene; sanzala iamukuá Lamote, mu Ngiliiade, phala akua Ngadi; sanzala ia katatu Ngolane, mu Basane, phala akua Manasa.

Josuué 20:8

O mu sámbua dia Njolodá, mu ku tunda bhu Jedikó ni ku lunga ku mbandu ia thunda, a uanununa-ku Bezele, mu kikangalakata, mu dinhana dia muiji ua Lubene, ni Lamote mu Ngiliiadi, ku muiji ua Ngadi, ni Ngolane, mu Basane, ku muiji ua Manasa.