II Malunda 17:9 - O Mikanda Ikola

⁹ Anga a longa mua Juda; o divulu dia kitumu kia Jihova ene a kexile na-diu; anga a nhunga jisanzala joso ja Juda ni kulonga muʼaxaxe ka mundu.

II Malunda 17:9 ပူးပေါင်းရင်းမြစ်များ

II Malunda 15:3

O Izalaiele-phe ua kexile muene ndumba dia izuua, ka monekene Nzambi ia kidi, ka monekene nganga i fuama ku mu longa, ka monekene kitumu.

II Malunda 19:8

Ku difundixilu dia Jihova ni ku batuilu dia milonga, Jozafate ua te-ku ue amoxi-mu ku jilevita, ni ku jinganga, ni ku iá o mítue ia jitata mua Izalaiele; anga a vutuka kiua mu Jeluzaleme.

II Malunda 35:3

Anga uambela o jilevita a di lumbilile kua Jihova, iá a kexile mu kulonga mu Izalaiele ioso, uexi: O Alaka ikôla tulenu-iu mʼonzo ia tungu Solomá, monʼa Davidi, sobha ia Izalaiele, kuma o kimbamba kiki ki mua-ndu kala nakiu dingi bhu isuxi; kindala mu bhikila ngó Jihova ni mundu ué ua Izalaiele.

Nehemiia 8:7

Ni Jesuua, ni Bani, ni Selebiia, ni Jamine, Akube, Sabetai, Hodiia, Mahaseia, Kelita, Azadiia, Jozabade, Hanane. Pelaia, ni akua Levi, a kuata kulonga o kifuxi kia mundu kuijiia o kitumu; anga kifuxi kioso emana muene, kana muthu u tunda-bhu.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Matesu 10:23

Ki a mi kaiesa mubhakabhaka mu mbonge imoxi-phe, enu lengelenu ku mbonge ia mukuá. Ngi mi tangela kidi, kuila: Jimbonge ja Izalaiele ki mua kà zubha luua ku ji enda, bhuà kejiia Monʼ a Muthu.

Matesu 11:1

Anga ki bhita, kia zubha Jezú kutuma kuinhi dia xibulu jê ni kiiadi, u katuka bhua kexile, hé uia mu kulonga ni kuta maka ku mabhata-mâ.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Nzuá 5:46

Mbata se mua xikanene Mozé, mueju ngi xikana ue eme, mukonda muène o ioso ia soneka, ua ngi tumbula eme.

Jipoxolo 13:15

Kiabhu o kutanga mu Kitumu kia Mozé ni mu jipolofeta, makota ma dilombe a tuma kua ambela, exi: Enu mu akuetu, athu se muambe ku a tela maka ma kulonga, kindala zuelenu.

Jipoxolo 15:21

Kuma o Kitumu kia Mozé tunde ʼxahulu sai mu mbonge joso akua kutanga ulongelu uê mu malombe, jisábhalu joso.

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.

Jipoxolo 8:40

Felipe-phe u tukulukila ku Azoto, anga u bhita ku jimbonge joso ni kuboka o Njimbu Iambote, katé kia bhixila ku Sezaleia.

Loma 3:2

Sai-ku muene kubhanduluka mu ikexilu iavulu! Kima kia dianga-phe o kuila kuma o Jijudé ene Nzambi a a bhakesele o Njimbu iê.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.