II Malunda 17:6 - O Mikanda Ikola

⁶ Anga muẋima uê u zangalela mu jinjila ja Jihova, anga u ta-ku dingi o kukatula o matala ni mixitu mua Juda.

II Malunda 17:6 ပူးပေါင်းရင်းမြစ်များ

I Jisobha 22:43

Jozafate anga uendela muene mu njila joso ja tatʼâ Aza, ka ji bhambukile né ngó; hé u kala mu kubhanga jinga kiaiukila ku mesu ma Ngana.

II Malunda 14:2

Aza anga u bhanga kia iuka, kia fuama, bhu mesu ma Jihova, Nzambi iê.

II Malunda 14:3

Kuma jikalatódio ja jinzambi jengi ua ji katula, o matala mâ ua ma sengulula; o iteka iâ ua i bula-bula, o mixitu iâ ua i kokela bhoxi.

II Malunda 15:17

Maji o matala-phe mua Izalaiele ka a katulamu; sumbala kiene, maji o muẋima ua Aza ua iukile jinge izuua ioso ia muenhu uê.

II Malunda 19:3

Sumbala kiene, maji a sange hanji ima ia mbote momué; mukonda o mixitu eie ua i katula mu ixi, eie ua iudika muẋima ué phala kusota Nzambi.

II Malunda 20:33

Sumbala kiene, maji o matala ka ma katula, mukonda o mundu muẋima uâ ka u iudikile luua mu ku di tuma ni Nzambi ia jitata jâ.

II Malunda 31:1

Kioso o ima ioso iii ki iabhu, akua Izalaiele oso a kexile bhobho, a katuka, aia mu jimbonge ja Juda anga o iteka a i bula-bula, mixitu a i koka, mu Juda ioso ni mua Bejamí a sengulula-mu o matala moso ni jikalatódio, kiene ue kimoxi mua Efalaime ni Manasa, katé ima ioso kia i sengulula; kuabhu-phe, ana oso a Izalaiele a vutuka kiua, muthu uia kokuʼâ, muthu uia kokuʼâ, mu jisanzala jâ.

Jobe 22:26

Mbata ua kà tanena mua Muteni-a-Ioso, ua kà zangumuna pholo ié kua Nzambi.

Jisálamu 119:1

Azediua ió oso a iukila kiambote mu njila, mu kuenda a kaiela o ngonge ia Jihova.

Jisálamu 138:5

Kidi kiene, mauendelu mé a ma ta ku mukumbi, kuma o fuma ia Jihova ia vulu kinéne!

Makatukilu 34:13

Maji o kalatódio jâ mu ji bula, iteka iâ mu i bukujula, o matutu ma Axelahe mu a kokela bhoxi.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Jipoxolo 13:10

uixi: Monʼ a Diabhu! Eie uezala mangonha ni uloji! U nguma ia ima ioso iambote ni kidi! Eie kifua nuka dingi u fula kubhengeleka o jinjila ja kidi ja Ngana?

Matendelelu 28:47

Mbata o Jihova Nzambi ié kua mu bhikila ni vondadi, kua mu bhikila ni kisanngusangu kia muxima, kioso ki uala mu ndumba ia jimbote ja kuvudila.