II Malunda 17:4 - O Mikanda Ikola

⁴ Kota muene ua sota o Nzambi ia tatʼâ, iú uende mu ijila iê, kana mu ibhangelu ia Izalaiele.

II Malunda 17:4 ပူးပေါင်းရင်းမြစ်များ

I Jisobha 12:28

Sobha anga ki mu bhekela kutambula phangu, kuma kia zubha kuxinganeka kiambote o imiʼii, u iudika ngombe jiiadi ja ulu; anga u tangela kifuxi uixi: Mua-ndu tala hadi ia vulu, o kubanda katé mu Jeluzaleme; tala-ze kunu o jinzambi jé, eie u Izalaiele, ja ku katula mu ixi ia Ijito.

I Jisobha 12:30

Kima kiki kia bhange anga ki kituka kituxi; mbata athu a kala mu kuia jinga katé mu Dane mu kubheza o kangombe ka ulu.

I Jisobha 12:33

Anga u banda mù satela ku kalatódio ka bhangele mu Betele, mu kizuua kia kuinhi ni kitanu, kia mbeji ia solele muene ku muẋima uê; kienhiki hé u bhangela anʼa Izalaiele fesa anga u satela ku kalatódio, uoha uasu ua dizumba.

I Jisobha 3:3

Solomá anga u zola Jihova, u kala mu kuenda mu ijila ia tatʼâ Davidi; inda kima kimoxi ngó; u kala mu satela ku matala, ni kuohela-ku o fumasa ia dizumba.

I Jisobha 9:4

Eie muene-phe se uenda jinga bhu pholo iami ni kivimba kia muẋima ni uthu ua tenena, kala kiendele tatʼenu Davidi, anga u bhanga jinga ima ioso i nga ku tumu, anga u bhaka itumu iami ni jiphangu jami,

II Jisobha 17:19

Katé ni Juda muene ue, ua lémbua o ijila ia Jihova, Nzambi iê; akua Juda kia beta ku a uabhela, o kuenda mu jingonge ja Izalaiele, ja di-bhangela ene-muene ngó.

II Jisobha 8:18

Hé uenda mu jinjila ja jisobha ja Izalaiele, kala ue kia bhanga jinga akua dibhata dia Akabe, kuma muene muhetuʼê a kexile-nê, monʼa Akabe; anga uia ni kubhanga ioso ia ibha ku mesuʼa Jihova.

II Malunda 14:6

Anga u tunga jisanzala ja nguzu mua Juda; mbata ixi ia tululukile kiambote, kuma mu mivu ieneʼoio ki kua kexile uoso u lua-nê ita; mukonda a mu bhana kunhoha kuala Jihova.

II Malunda 17:3

Jihova anga u kala ni Jozafate; mukonda uende mu jinjila ja dianga ja Davidi, tatʼâ, nguê kusota Bale.

II Malunda 21:12

Anga ku muiza kisoneke kia tundu kua Elija, polofeta, kuila: Jihova, Nzambi ia tatʼenu Davidi, uambe kiki: Kuma eie ua fulu kuenda mu jinjila ja tatʼenu Jozafate, ni mu jinjila ja Aza, sobha ia Juda,

II Malunda 22:9

Anga u sota kiua Akaziia, (kuma muene ua suamene mu mbonge ia Samádia) anga a mu bonga, hé a mu bheka kua Jehu, anga a mu jibha, a mu funda, kuma, exi; Monʼa ngene a Jozafate, muthu ua sotele Jihova ni muẋima uê uoso ua muvimba. O mu dibhata dia Akaziia ki mua kexile dingi muthu u kala ni nguzu ia kutumina.

II Malunda 27:6

Kienhiki Jotamu anga u kituka dizonda, mukonda o jinjila jê ua ji bhangesa kutalela kua Jihova, Nzambi iê.

II Malunda 29:2

Anga u bhanga ima ia kuiuka bhu pholo ia Jihova, kala ioso kiá ia bhanga jinga Davidi, tatʼâ.

II Malunda 34:2

Muene anga u bhanga ima ia iuka bhu pholo ia Jihova; anga uenda muene mu jinjila ja Davidi, tatʼâ, sé kulueza-mu mba uia ku kiasu mba ku dilu.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.