II Malunda 16:9 - O Mikanda Ikola

⁹ Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

II Malunda 16:9 ပူးပေါင်းရင်းမြစ်များ

Dimatekenu 31:28

Ni kubhana ngó jibejo ku anʼami a mala ni a ahatu kua ngehela; Mu kubhanga kiki, ua bhange uoua muene.

II Samuuele 24:10

Muẋima ua Davidi-phe u mu êlesa, kia zubha kukuata konda ia mundu. Davidi anga u ambela Jihova, uixi: Nga te kituxi kiavulu mu kubhanga kima kiki. Kiki-phe, u Jihova, mulonga ngi katule-u, ngi mubhikʼé, nga ku diondo; kuma nga bhange uoua uavulu.

I Jisobha 15:32

Kua kexi jinge ita bhu kaẋi ka Aza ni Bahasa, sobha ia Izalaiele, izuua iâ ioso.

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

I Malunda 21:8

Davidi anga uambela Ngana Nzambi, uixi: Nga-te kituxi kiavulu kinéne mu kubhanga o kima kala kiki; kindala-phe, Ngana, nga ku diondo, loloka o kikuma kia selevende iê kuma nga bhange uoua uavulu.

II Malunda 15:17

Maji o matala-phe mua Izalaiele ka a katulamu; sumbala kiene, maji o muẋima ua Aza ua iukile jinge izuua ioso ia muenhu uê.

II Malunda 15:19

Ki ku kexile ita kale ngó mu muvu ua makuinhi a tatu ni kitanu ua utuminu ua Aza.

II Malunda 16:10

Maji Aza u thathamena mumoni anga u mu ta bhu ditolongo mu dikuikilu; mukonda kienʼiki kia mu thathamesa kiavulu muene; Aza ue mu izuua mueneʼomo uandeka kiá kutatesa amoxi-moxi-mu ku kifuẋi.

II Malunda 19:9

Anga u a tendelela, kuila: Muenda kienʼiki, mu uoma ua Jihova, ni ujitu, ni muẋima ua muvimba.

II Malunda 6:20

Mesu mé a tone mu usuku ni mu muanha ku thanduʼa kididi kiki, ki ua tange Eʼmuene kuila o dijina dié bhene bhu u di ta, phala kuívua o musambu u ku sambela mubhikʼé bhu kididi kienʼiki.

Ejidala 5:5

Né kienhokio-phe, mesu ma Nzambi ma kexile ku thandu dia ikulakaji ia Juda, katé ki ki ẋikinine ku a fudisa ku bhanga kikalakalu, katé kia bhixila maka eneʼá kua Ndala, anga muene u vutula kizuelu mu mukanda ku ima ienhiʼii.

Jobe 28:24

Mbata (Nzambi) muene u mona katé kua suku oxi; u mona ioso iala bhoxi dia diulu.

Jobe 31:4

Inga Nzambi o jinjila jami ka mu ji mona? O uendelu uami uoso ka mu u ualula?

Jobe 34:21

Mbata o mesu a Nzambi phe, a mu kengelela o njila ja muthu, hé a mona uendelu uê uoso.

Jisálamu 113:6

Maji u bhetama mu ku tala o ima i bhita ni mu diulu ni mu ngongo?

Jisálamu 33:14

Bhu kididi kiê bhua tungu, u tala mu kanga, akua bhata oso mu ngongo a mu kala ku mesu.

Jisálamu 33:15

Ene oso muene ua a bhanga o mixima iâ moxi, u tongolola o imbamba iâ ioso ia bhanga.

Jisálamu 33:18

Diesu dia Jihova-phe di kala kua iá a mu kala ni uoma uê; ni kua iá a dielela o henda iê.

Jisálamu 34:15

Mesu ma Jihova ma lûngu kua iá aiuka, o mátui mê mala kuividila kioso kia di kola.

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Jisabhu 5:21

Mbata mauendelu ma muthu-phe mene ku mesu ma Jihova; muene ukala mu kutongesa muoso mu bhita o muthu.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Jelemiia 16:17

Mbata mesu mami ma lungu muene ku jinjila jâ joso; ene ka suama bhu pholo iami, mba o ikuma iâ i di sueka ku mesu mami, lémbue!

Jelemiia 32:19

Ukola mu kaiula, Munéne mu ima ia bhanga! mukonda o mesu mé ma jikuka ni ku kengelela ku thandu dia jinjila joso ja anʼathu, phala kubhana muthu ni muthu kala kia fuama o jinjila jê ni kioso kiala o ibundu ia ibhangelu iê.

Jelemiia 5:1

Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

I Kolindo 15:36

Ioua ia hatu! Kioso enu ki mu kuna o mbutu mu mavu, ki kale ifua, phala ni i sabhuka.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

I Phetele 3:12

Kuma mesu ma Ngana ma lungu kua iá aiuka, ki a dikola, u ta-ku matui ku misambu iâ. Maji o pholo ia Ngana-phe ia luualela oso a bhanga o phulu.

I Samuuele 13:13

Samuuele anga u ambela Saúlo, uixi: Ua bhange uoua; ua kambe kubhaka o kijila kia Jihova Nzambi ié, kioso kia ku tumu; kuma Jihova hinu ueje kukolesa o utuminu ué mu Izalaiele ni u nangenena.