II Malunda 15:9 - O Mikanda Ikola

⁹ Anga u bhongolola Juda ioso ni Bejamí ni ene kiá kumoxi ni jinzuangiza a tungu mua Ifalaíme ni mua Manasa ni mua Ximinhá; kuma mua Izalaiele a vulu a kexi mu ku tunda-mu eza kua muene, kia mono kuma Jihova, dia Nzambi iâ, uala ni muene.

II Malunda 15:9 ပူးပေါင်းရင်းမြစ်များ

Dimatekenu 26:28

Kuala ene: Mukonda tua mono kiambote kuma Jihova uala ni eie; tuixi-phe kota bhu bhite muloko bhuʼaxaxi ketu ni eie, tu te kikutu.

Dimatekenu 39:3

O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

I Jisobha 12:19

Kiene kia di batuka akua Izalaielʼiki ni dibhata dia Davidi katé mu kizuua kia lelu.

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Malunda 12:19

Amoxi-mu ku akua Manasa a bhiti ue kua Davidi, kioso Davidi kieza kumoxi ni akua Fidíxia mu kúlua ita, ia kukitukila Saúlu. Sumbala kiene, maji ene ka kuatekesa dingi akua Fidíxia, mukonda o ilamba ia jifidíxa, mu kuta kikutu a mu vutulʼé, kuma edi, exi: Kia-ndo kala kiluezu kia kuila etu udianga ku tu batula o mítue ietu, muene hé ua kà bhitʼê kua ngana iê Saúlu.

II Malunda 11:16

O kuema dia iâ, kua kaiela eneʼoso mu miji ioso ia Izalaiele, a bhana mixima iâ mu kusota Jihova, Nzambi ia Izalaiele, eza mu Jeluzaleme phala kubhana jisata kua Jihova Nzambi ia jitata jâ.

II Malunda 15:10

Anga a di bhongoluela mu Jeluzaleme, ku mbeji ia katatu, mu muvu ua kakuinhi ua utuminu ua Aza.

II Malunda 19:4

Jozafate anga u tunga mu Jeluzaleme; u tona dingi kubhita ni ku tala o mundu tunde bhu Beleseba tule ku milundu ia Ifalaimi, iú ua a bhangesa kuvutukila dingi Jihova, Nzambi ia jitata jâ.

II Malunda 30:25

Kifuẋi kioso kia Juda anga ki sanguluka, kumoxi ni jinganga ni jilevita ni kifuẋi kioso kia iá a tundu mua Izalaiele; katé ni akua jixi jengi a tundile mʼoxi ia Izalaiele ni iá a tungile mʼoxi ia Juda.

Izekiiele 37:16

Eie-phe, u monʼa muthu, zangula kiẋimbu kia muẋi, ú soneke-ku, kiki: Kua Juda ni ku anʼa Izalaiele, ene o akuâ. Hé u zangula dingi kiẋimbu kia mukuá kia muẋi, anga u soneka-ku, kiki: Kua Zuze, muene o mbangala ia Ifalaíme, ni ku dibhata dioso dia Izalaiele, ene o akuâ.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

I Samuuele 18:28

Saúlo anga u tongolola, hé u kʼijiia, kuma Jihova uala ni Davidi; Mikala monʼa Saúlo ua muhatu, anga u zola Davidi.