II Malunda 15:3 - O Mikanda Ikola

³ O Izalaiele-phe ua kexile muene ndumba dia izuua, ka monekene Nzambi ia kidi, ka monekene nganga i fuama ku mu longa, ka monekene kitumu.

II Malunda 15:3 ပူးပေါင်းရင်းမြစ်များ

II Malunda 17:7

O mu muvu ua katatu, ua utuminu uê, muene ua tumikisa ilamba iê kua Benehaile, ni kua Obadiia, ni kua Natanele, ni kua Mikaia, phala ende ni kulonga mu jimbonge ja Juda.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Ijila 10:11

phala muende ni kulonga ue anʼa Izalaiele o ijiia ioso ia tange Jihova kua Mozé.

Ijila 10:8

Jihova anga u ambela Alá, uixi:

Amoji 8:11

Jihova Nzambi ua tange, uixi: Tala-ze, izuua i iza, nga-nda ku mi tumikisa nzala mu ngongo; ki nzala ia kudia kúdia, mba dinhota dia kunua menha, maji nzala ia kuívua maka ma Jihova.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Loma 2:12

Kuma oso ki Jijudé, o Kitumu kia Mozé kala na-kiu. Uila kiki, ene ate ituxi bhua kambe o Kitumu, iá a texika ue sé Kitumu. O Jijudé-phe jala ni Kitumu. Ene ate ituxi bhuala o Kitumu, o Kitumu kiene kia êlesa.

I Kolindo 9:21

Kiene kimoxi ue kioso ki ngi kala mu ʼaxaxe ka ió ki Jijudé, a kambe o Kitumu kia Mozé, eme uami ngi kala ku kanga dia Kitumu, phala ngi tene kunganhala ió ki Jijudé. O kiki, ki mukonda eme nga fulu kutumaka o Kitumu kia Nzambi, mukonda ni kidi kiene eme ngala bhoxi dia Kitumu kia Kristu.

Matendelelu 33:10

A longo mabatuilu mé kua Jakobo, ni kitumu kié kua Izalaiele; Eʼmuene isenso ia dizumba dia uabha a ku fenhesa-iu, sata ja kuoha a ku tela-ju bhu kalatódio ké.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.