II Malunda 15:2 - O Mikanda Ikola

² Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

II Malunda 15:2 ပူးပေါင်းရင်းမြစ်များ

I Jisobha 11:25

Anga u kala mu di kuata jinga ni Izalaiele izuua ioso ia Solomá, ku thandu dia phulu ue ia kexi mu bhanga Hadade, mukonda dia kuzemba Izalaiele, kuma Hadade muene ua kexi sobha ia Sídia.

I Jisobha 18:18

Kuala muene: Eme Izalaiele ki nga mu mu zukutisa, kana; ua mu zukutisa Izalaiele eie ni dibhata dia tatʼenu, mukonda mua xisa o ijila ia Ngana, enu mua kaiela hamba dia Bahale.

II Jisobha 21:14

O iá a subhuka ku undundu uami, nga-nda kua ehelela; nga-nda ku a bhakula muene bhu lukuaku lua jinguma jâ; a kà a bhanga uii ni dibhundilu ku jinguma jâ joso;

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 11:12

Anga mu mbonge joso u ta-mu jingubu ja makota ni mifula; anga u ji kolesa kiavulu kinéne. Ni Juda ni Bejamí-phe, ji kala mbonge jê-muène.

II Malunda 12:5

Bheneʼobho, Semaia, o polofeta, anga uiza kua Lebouamu ni ku adiakime oso a Juda a di bhongoluela mu Jeluzaleme, mukonda dia Sizake hé u a tangela, uixi: Jihova uambe kiki: Enu mua ngi xisa eme, kiene ue eme ki nga miʼehelela bhu lukuaku lua Sizake.

II Malunda 13:12

O kiki-phe Nzambi uala ni etu ku pholo ia ita, kumoxi ue ni jinganga jê, ala mu kuxika jikoloneta, phala ku ta nzongo ia kúlua nʼenu, enu mu anʼa Izalaiele! Ki mu lue-phe ni Jihova, Nzambi ia jitata jenu, kuma ki mua-nda kuzediua.

II Malunda 13:4

Abiia anga uiza, uimana bhu thala ia mulundu ua Zemadaimi, uala mu milundu ia Ifalaimi, hé u zuela: Ngʼivienu, eie Jelobouamu ni Izalaiele ioso.

II Malunda 15:15

Juda ioso hé a sanguluka ni mulôko uenʼiú; mukonda a loka muene ni muẋima uâ uoso, ia a mu sota muene ni hânji ioso, ia a mu bongo. Anga Jihova ua bhana dinhohenu ku jimbandu joso.

II Malunda 15:4

Maji-phe, mu dilamba diâ, kiela jinga a diela anga a bilukila kua Jihova, Nzambi ia Izalaiele, anga a mu sota, a mu sanga jinga muene.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

II Malunda 20:20

Mu kimenemene kia selu anga a balumuka, hé a tunda mu kuia ku kikangalakata kia Tekoua; kioso ene kia mu tunda, Jozafate u nzongamana hé u handekela, uixi: Ngʼivienu, eie Juda, ni enu mua tunga mu Jeluzaleme; xikanenu kua Jihova, Nzambi ienu, nda mu kale bhua kondama; xikanenu ku jipolofeta jê mua kà zediue.

II Malunda 24:20

O Nzumbi ia Nzambi anga uizalesa Zakadiia, monʼa nganga Joiada, muene anga uimana mu kaẋi ka mundu, hé u zuela kuila: Nzambi uambe kiki: Phalaʼhi mua mu tondala o ijila ia Jihova? Kuabhu-phe ki mua-nda kuzediua. Kuma enu mua xisa Jihova, o muene ue ua-nda ku mi xa.

II Malunda 26:5

Mukonda ua di bhana mu kusota Nzambi mu izuua ia Zakadiia, muthu ua kexile mbâmba mu iusukila ia Nzambi; o mu izuua mua sota jinga Jihova, Ngana Nzambi ue ua mu zediuisa.

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

II Malunda 33:11

Ki kia bhangesa Jihova kutulula ku thandu diâ o ilamba ia kifuxi kia sobha ia Asídia; ene anga Manasa a mu kuatela mu minha, hé a mu kuta ni malubhambu anga a mu ambata aia-nê ku Babilónia.

II Malunda 33:12

O muene, kia mu iza o kubhindama, ua sambe kiavulu kua Jihova Nzambi iê, anga u di bhomba, u toloka muene kiavulu kua Nzambi ia jitata jê.

II Malunda 34:3

Mukonda o kioso kia bhixila mu muvu ua kanake ua utuminu uê, kioso kiala hanji mona-ndenge, kiene kia mateka ni kusota o Nzambi ia tatʼâ Davidi; o kia tula mu muvu ua kakuinhi ni kiiadi, kiene kiá kiandeka o kuzelesa Juda ni Jeluzaleme ku matala ni ku mixitu ni ku iteka ia kusonga ni ia kuzunza.

Ejidala 8:22

Mukonda sonhi ja ngi kuatele, ja ku bhinga kua sobha, kifuxi kia masoladi ni ilolo i tu bhângela ku jinguma mu njila, mbata sobha tua muambelele, tuexi: Lukuaku lua Nzambi ietu luala ku thandu dia ió oso a mu sota muene, phala ku a bhanga mbote; maji o nguzu iê ni njinda iê, i lungulukila ku thandu dia ió oso a mu xia.

Jisálamu 34:4

Nga soto Jihova, iú uetaia; ua ngi kudila ku ima ioso i ngi kuatesa uoma.

Jisálamu 53:2

Sui! ku anʼathu kuala Nzambi mu diulu, uixi: Ngi talesa-ku mba muala ni iá ala ni kilunji, a xikina kusota Nzambi.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Jelemiia 2:17

Mbé o kiki kʼeie muene ua di sotelè-kiu, o kuxa Jihova Nzambi ié, bhu kithangana kia muene ku kuendesa mu njila?

Amoji 5:14

Sotenu-phe o mbote, kana kusota ima ia ibha phala mu laie; o mu kienhiki, Jihova Nzambi ia Ilômbo Ieta, u kala ni enu kala ki mua mu ki tanga enuʼenu.

Zakadiia 1:3

Kala kiki, u a tangela kuila: Jihova dia Ilombo uambe kiki: Eme Jihova dia Ilombo Ieta, uedi: Vutukilenu kokuami, nda eme ue ngi mi vutukile enu, kiene kia tange Jihova dia Uombo Ieta.

Dialuilu 14:42

Kana kuia-ku; kuma kuia ngó, Jihova ki muala nê, a mi beta kuala jinguma.

Dialuilu 14:43

Mukonda akua Amaleke ni akua Kanana iá kuenhuku ku muia, mua kà fuila ku xibhata; kuma mua ditunu kukaiela Jihova, muene kʼàia dingi ku mi bheka.

Matesu 13:9

Uoso uala ni mátui, évue.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Jihebeleu 10:38

O mundu uami-phe uaiuka, ua kà bhulukila mu kuxikana. Maji uoso ualuluka ku dima, muẋima uami ki u mu kala dingi ni vondadi.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

Josuué 22:31

Nganga Finehase, monʼa Eliazale uambela anʼa Lubene, ni anʼa Ngadi, ni anʼa Manasa, kuamba: Leluʼidi tua kiʼjiia muene, kuila Jihova iú muʼaxaxi ketu, kuma Jihova ki mua mu te kituxi. Anʼa Izalaiele-phe mua a bhulula bhu lukuaku lua Jihova.

Josuué 24:20

Mukonda o ki mua-nda kuila muene mua mu xi, mua di te mu bhikila nzambi jengi, ua-nda kulunguluka anga u mi bhanga usuéia, u mi jikinisa, ku thandu dia kuzubha kiá o ku mi bhanga mbote ioso kala iii.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 2:29

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 3:13

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 3:22

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 3:6

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Afundixi 10:13

Sumbala kiene, maji eme mua ngi baluka, muala kubhikila nzambi jengi; kala kiki-phe eme uami nguami dingi ku mi kudila.

Afundixi 9:7

Jotamu kia zubha ku mu kunda-kiu, uia bhu thala ia mulundu ua Ngedizine, u kala mu ku a kolelela ni dízui dia suina, uixi: Ngʼivienu, enu mu akua Xikeme, phala Nzambi a mʼivue enu.

I Samuuele 12:14

Se mu kala ni uoma ua Jihova, se mu mu bhikila muene, se mu mu ívua dízui diê, se mu kamba kuxibhaka o kijila kia Jihova Nzambi ienu, kixi enu kixi o sobha uala ku mi tumina, kiauabha! Mu disanza mu di hiha bhu pholo ia Jihova Nzambi ienu.

I Samuuele 12:15

Maji phe se mu kamba kuíva o dizui dia Jihova, anga mu xibhaka kijila kia Jihova, lukuaku-phe lua Jihova mu kala mù bhanga-na-lu, kala kia bhitile ni jitata jenu.