II Malunda 13:9 - O Mikanda Ikola

⁹ Enu ki mu kaie o jinganga ja Jihova, anʼa Alá ni jilevita, enu mua di bhangela jinganga jenuʼe-nuenu, kala akua jixi jengi? Uoso-uoso uiza mu ku di lumba ni kamona ka ngombe ni sambuadi dia ilumbe ia jimbudi, kithangana kieneʼokio u di bhanga kiá nganga ia ió ki jinzambi ja kima.

II Malunda 13:9 ပူးပေါင်းရင်းမြစ်များ

I Jisobha 13:33

Kia zubha ku bhita ima ioso iii, Jelobouamu kuenda kiaiibha ka kueha; inda uexana dingi athu a beta kusebuluka mu kifuxi hé u a bhanga jingana ja ididi ia matala; hé uia ni kuila uoso a mu andala u mu izalesa lukuaku, anga u mu bhanga ue kiá nganga ia kusatela ku ididi ia matala a di leka.

II Jisobha 19:18

o jinzambi jâ a jii te muene mu túbhia; mukonda o jene ue ki jinzambi, kana, maji kikalakalu kia maku ma athu ngoho; miẋi ia hatu ni matadi, kiene ue kia ji jikinisina jiʼja jimi.

I Malunda 29:5

Ulu phala o itutu ia ulu, ni phalata phala o itutu ia phalata; ni phala kikalakalu kioso ku maku a jimesene ja ufunu. Nanhi ue mudienu uala lelu polondo ia kubhana mu vondadi iê, ujitu kua Jihova?

II Malunda 13:10

Maji etu-phe, Jihova muene Nzambi ietu, nuka tua mu xile; o jinganga a a bhana ukunji ua Jihova, ene anʼa Alá ni Jilevita ala ku kikalakalu kiâ.

II Malunda 29:31

Ezekiia anga u kumbulula, uexi: o kiki-phe mua di lumbila enuʼenu muène kua Jihova; bhiẋilenu-phe, muize ni jisata ni maujitatu ma kisakidilu, kuma diximanu ku inzu ia Jihova. O kifuẋi anga ki bheka jisata ni maujitu ma kisakidilu kia diximanu; o ene oso a kexile na-kiu ku muẋima, a bheka jisata ja kubhakula ni túbhia kua Jihova.

Makatukilu 29:1

O ki tokala ku a bhanga kienhiki, mu ku a lumbila phala ku ngi kalakela ku unganga: U kuata ngombe ia ndumbe ia kiubha, ni ilumbe iiadi ia jimbudi, ia kambe kunemana mba mabaka.

Makatukilu 29:29

O izuatu ikola ia Alá, i kala ue ia anʼê oso a kà mu bhingana; iene ia unda na-iu, iene ia a lumbila na-iu ku unganga.

Makatukilu 29:35

Kiene ki u bhangʼiki kua Alá ni anʼê kala kiá kioso ki nga ku tumu, kiene ki u kumbidila; u ki bhanga mu sambduadi dia izuua mu ku a lumbila.

Makatukilu 32:29

Kuma Mozé ua ambelele, uixi: Di bhakudienu lelu kua Jihova, kana muthu a suue monʼê, kana muthu a suue phangʼiê; phala muene lelu a mi bhane o kuzediua.

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Hozeia 8:6

O kiki ue kia tundu kua Izalaiele; hete ia ufunu ua Já iudika. Iene ki Nzambi, kana. A-nda ku ki sasujula-phe anga kibhua-bhu kia kangombe ka Samádia.

Ijila 16:32

O nganga ue uoso a-nda ku mu unda phala kukuata o ukunji ua unganga bhu kididi kia tatʼâ, mu kubhanga o dibhanduluilu dia kubhuisa ikuma kiki, uzuata o izuatu iii ia linho, o izuatu ikôla:

Ijila 8:2

U kuata Alá ni anʼê a mala kumoxi-nê ni izuatu, ni maji a kuundila, ni kangombe ka sata ia kituxi, ni ilumbe iiadi ia jimbudi, ni kinda kia jimbolo ja kambe felemendu;

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Ngalásia 4:8

Mu thembu iabhiti mʼ ukulu, mukonda dia kukamba o kuijiia Nzambi, mua kexi kubhikila jinzambiʼ ojo ki jinzambi ngó ja kidi.

Matendelelu 32:17

Jisata a ji satela madiabhu, o Nzambi kana. Jinzambi jene jeza leluʼidi, mʼokulu ki ja monekene; jinzambi ka jʼijidile, jabhingi nuka a ji bhezele kuala jitata jenu.