II Malunda 13:6 - O Mikanda Ikola

⁶ Sumbala kiene, maji Jelobouamu, monʼa Nebate, mubhikʼa Solomá, monʼa Davidi, ua balumuka iú ua ẋinukina ngana iê.

II Malunda 13:6 ပူးပေါင်းရင်းမြစ်များ

I Jisobha 11:26

Katé ni Jelobouamu, monʼa Nebate, mukua Efalata, mu Zelede mubhika mukua mbèle ia Salomá (ua kexile ni mamʼâ, mutudi, dijina diê Zeluua) muenhú ua zangula ue o lukuaku luê mu kúlua ni sobha Solomá.

I Jisobha 12:20

Anga ki bhita-phe kuila, kia zubha Izalaiele ioso kuívua kuma Jelobouamu, ua vutuka, ua tundu kiá ku Ijito, a tuma ku mu ixanena bhu kionge, anga a mu bhanga sobha ia Izalaiele ioso. Kienhokio kana-ku dingi muthu ua kaiela o dibhata dia Davidi, kikale o muiji umoxi ngó ua Juda, kuabhu.

I Jisobha 12:27

Kuma athu iá se a banda mu Jeluzaleme mu kusatela monzo ia Jihova, muẋima ua athu iá ua-ndu lunguluka hé a di banda kua ngana iâ, Lobouamu, sobha ia Juda; eme-phe anga a ngi jibha, ene anga a vutuka kua Lobouamu, sobha ia Juda.

II Jisobha 18:7

Kienʼiki ue o Jihova iú ua kexile jinge ni muene; o kuoso-kuoso kuʼaia, o uendelu uê ua ku di-langa kinéne; muene anga u bilukila sobha ia Asídia, u di-tuna ku mu bhikila.

II Malunda 10:19

Kienʼiki anʼa Izalaiele kia salumukina inzu ia Davidi, katé mu kizuua kia lelu.