II Malunda 13:5 - O Mikanda Ikola

⁵ Manhi ki kia mi fuama ku kʼijiia, kuila Jihova, Nzambi ia Izalaiele, o ungana ua Izalaiele ua u bhana kua Davidi, ni muene ni anʼê, ku mivu ni mivu, mu kikutu kia môngua?

II Malunda 13:5 ပူးပေါင်းရင်းမြစ်များ

II Samuuele 10:13

Kienhiki Jouabe, ni mundu uoso aia-nê kumoxi, a bhixila kua akua Sídia mu kúlua, o akua Sídia anga a toloka hé a lenga bhu pholo iâ.

I Jisobha 8:20

Ngana kienhiki ua tenesa o kizuelu kiê kia tangele; mukonda eme nga balumuka bhu kididi kia tatʼetu Davidi, eme nga xikama ku kiandu kia Izalaiele, kala kia ki tange Ngana; o dijina dia Ngana, Nzambi ia Izalaiele eme nga di tungila inzo.

I Malunda 17:11

Hé kia kà kala-phe kuma, kioso kià katenena o izuua ié, phala kuia kuaia atatʼenu, nga kà ku balumuina o mbutu ié ni i ku bhingana, kifua kia kà kala muene muthu ku anʼé, eme anga nga kà kuatesa o kiandu kia utuminu uê.

I Malunda 17:14

Maji nga kà mu kuatesa bhu kididi mu inzo iami ni mu utuminu uami, katé ku hádia ni hádia, o kiandu kiê kia kà nangenena ue katé ku hádia ni hádia.

II Malunda 6:16

O kikiphe, Jihova, Nzambi ia Izalaiele, bhakela mubhikʼé Davidi, tatʼetu ioso i ua mu tangela, uixi: Ki mungu dingi kokué ku kamba dikuenze bhu pholo iami, u xikama bhu kiandu kia Izalaiele; inda kima kimoxi ngó ki nga ku bhingi, kuila anʼé aluke njila ié-eie, mu kuenda mu kitumu kiami, kala eie ki uenda jinga bhu pholo iami.

Nehemiia 5:9

Ngixi dingi: Ki mua mu bhanga kima kiambote! Kífua ki mua fuamene kuenda mu uoma ua Nzambi, mbé kuiengesa ku tu lebhula kuala jinguma jetu, o matumbu?

Jisabhu 1:29

Mbata ene o kuijiia a dizemba na-ku; a di tunu kusola o uoma ua Jihova.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Izekiiele 43:24

Anga ua kà i bhakula bhu pholo ia Jihova; o jinganga ene a kà i toua môngua ku thandu diê, hé a kà i bhakuila ni túbhia kua Jihova.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Ijila 2:13

Maujitu moso ma mubhaku ua musa, u ma tôua ni môngua; môngua ua kikutu kia Nzambi iê, ki u kambe dingi ku mubhaku ua musa; maujitu moso ma kubhakula kua Jihova, a a bheka ni môngua.

Dialuilu 18:19

Maujitu oso a kôla, eza na-u ana a Izalaiele mu ku a bhakuila Jihova, nga ku bhana na-u eie kumoxi ni anʼé a mala ni anʼé a ahatu u uala-nâ, ia mi tokala katé ku hádia ni hádia; kiki kikutu kia môngua ki nangenena katé ku hádia ni hádia bhu pholo ia Jihova, phala eie ni muiji ué kumoxi.

II Phetele 3:5

Ene-phe akua kuzombala enhá, a jimbi-ku luelu, kuila kua kexile maulu mʼokulu, ni oxi, ia tomboloka mu menha, mu ʼaxaxi ka menha, mu kizuelu kia Nzambi.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 16:12

Anga u tuma ku mu takana. Muene-phe ua kusuluka kiambote, ua uabha pholo, ki ku uabhela ku mu tala mesu. Jihova phe uixi: Balumuka, u mu unde; muene kiabhʼú.