II Malunda 13:3 - O Mikanda Ikola

³ Abiia anga u tumina kubhânga, o kifuẋi kiê kia kexile mala a ilolo ia ita, ua a nona hama jiuana ja midi ia athu; o Jelobouamu ue ua a nona, mazonda oso, hama nake ia midi ia athu, anga ua a ta kiambote mu ididi iê phala kúlua-nê ita.

II Malunda 13:3 ပူးပေါင်းရင်းမြစ်များ

I Jisobha 15:7

Mu kutanga o ikalakalu dingi ia Abiiamu, ni ima ioso ia bhangele, manhi ki iòsoneke mu divulu dia malunda ma jisobha ja Juda? Kua kexe ue ita bhu kaẋi ka Abiiamu ni Jelobouamu.

I Malunda 21:5

Jouabe anga uiza u bhana kua Davidi o dialuilu dioso dia mundu. O Izalaiele ioso, atena fuku imoxi ni hama ia midi ia mala akua nguzu, ió a tena ku fuomona xibhata phala kúlua ita; o mu akua Juda, hama jiuana ja midi ni makuinhi sambuadi dia midi ia mala a tena ku fuomona xibhata mu kúlua ita.

II Malunda 11:1

Lebouamu kieza mu Jeluzaleme, u bhongolola mʼonzo ia Juda ni Bejamí hama ni makuinhi nake a midi ia muthu òsole, ejiia kiambote kúlua ita phala kúlua ni Izalaiele, phala o ungana a u vutuile kua Lebouamu.

II Malunda 13:2

Mu Jeluzaleme ua tumina mivu itatu; o mamʼâ dijina diê Mikaia, monʼa Udiiele, mukua Jibeia; anga ku kala ita, Abiia ni Jelobouamu a zoka.

II Malunda 13:4

Abiia anga uiza, uimana bhu thala ia mulundu ua Zemadaimi, uala mu milundu ia Ifalaimi, hé u zuela: Ngʼivienu, eie Jelobouamu ni Izalaiele ioso.