II Malunda 12:3 - O Mikanda Ikola

³ Uiza ni midi ni hama jiiadi ja makalu ni makuinhi a samanu a midi ia akua kusambela jikabalu; o athu ajile na-u ku Ijitu, ni ku Líbia ni ku Suke, ni ku Itiiópia ka xikina kua tanga.

II Malunda 12:3 ပူးပေါင်းရင်းမြစ်များ

II Samuuele 10:18

Maji akua Sídia-phe a lémbua-ku anga a lénga, Izalaiele ua a kaie; Davidi anga u jibha ku akua Sídia athu a tokala mu hâma sambuadi ia makalu, ni makuinhi auana a midi ia muthu ia akua jikabalu; o Sobaki, muene kilolo, kabitangu ka kifuxi kiâ, anga u mu ta, hé u fuila bhenhobho.

II Jisobha 7:6

Mukonda mu kilômbo kia akua Sídia Jihova ua bhangesa-mu kuívua mixindu ia makalu ni mixindu ia jikabalu, mukuâ ni mixindu ia kifuẋi kionéne kia masoladi; ki kia a bhekesa o ku diambela mudiâ, exi: Tala, o sobha ia Izalaiele, mu kuzoka nʼetu, ua tuʼixanena o jisobha ja Mahiti ni jisobha ja Ijitu phala kuiza mu ku tu lua.

II Malunda 14:12

Jihova anga u nemeka akua Itiiópia, bhu pholo ia Aza ni bhu pholo ia Juda, akua Itiiópia anga a lenga.

II Malunda 14:8

Aza anga u kala-mu ni kifuẋi kia hama jitatu ja midi ia masoladi mua Juda a bhakata ngubu jʼonene ni jisosa; ni hama jiiadi ni makuinhi nake a midi ia masoladi mua Bejamí a bhakata ngubu jʼofèle ejiia o kuasa ni mifula; ene oso iâ, mala muene a mazonda.

II Malunda 14:9

O Zela-phe, mukua Itiiópia, anga u a tundila ni kifuẋi kia midi ia jimidi ja masoladi, ni hama jitatu ja makalu, anga u bhixila katé bhu Malesa.

II Malunda 16:8

Manhi akua Itiiópia ni akua Líbia ka kexile kifuẋi kia dikota ni jinzungule ja makalu ni akua kusambela jikabalu? Maji-phe eie mu kudielela Jihova, muene ua a bhakula bhu maku mé.

Izaía 43:3

Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Izekiiele 30:5

Ni Itiiópia, ni Pute ni Ludi, ni difungisa dia athu oso kiá, ni Kube, ni ana a jixi ja te kikutu ni Ijitu, a kà tenuka ku xibhata kumoxi ni ene.

Daniiele 11:43

Jimbongo ja ulu ni phalata ua kà ji tambula, ni ima ioso ia matunda mu Ejito; akua Líbia ni Etiiópia a kà mu kaiela.

Nahumu 3:9

Etiiópia ni Ijito a kexi ene o nguzu iê mukonda dia mundu uâ uavulu sé mbambe; ni Pute ni Líbia a kexi diene o dikuatekesu dié, kuma ua kuatele-nâ ukamba.

Dijingunuinu 9:16

Anga ngʼivua kuila o ifuẋi ia masoladi akua jikabalu, konda iâ ia tena kuinhi dia midi dia ibuka, kala kibuka kuinhi dia midi ia muthu.

Afundixi 4:13

Xixela anga u bhongolola makalu mê moso, hâma vua ia makalu ma felu, ni mundu uoso uala-nê tunde bhu Halosete ia matumbu, anga a kulumuka mu honga ia Kixone.

Afundixi 6:5

Kuma eza jinga ni ibhaku iâ, ni jibalaka jâ; eza mukuâ ni kihoho mu kuvula; ni ene ni jikamelu jâ mu lémbua ku a kuata konda; anga a di zala mʼoxi ioso mu ku i buidisa.

I Samuuele 13:5

Akua Fidíxia ue anga a di bhongolola mu kúlua ni Izalaiele, makuinhi atatu a midi ia makalu ma ita, ni midi jisamanu ja akua kumondala jikabalu, o mundu uamuká ua iá endela bhoxi a soko ni kisèkele bhu ndúndu ia kalunga mu kuvula. Anga a banda, a ta kibangu kiâ bhu Mikimaxi; Betavene a i somboka anga aia ku pholo ku mbandu ia mu tundila dikumbi.