II Malunda 11:3 - O Mikanda Ikola

³ Tangela Lebouamu, monʼa Solomá, sobha ia Juda, ni Izalaiele ioso mua Juda ni mua Bejami, uixi:

II Malunda 11:3 ပူးပေါင်းရင်းမြစ်များ

Dimatekenu 49:28

Ienhʼii iene o kuinhi dia muiji ni kiiadi ia Izalaiele: makʼama ene a zuela tatʼâ mu ku a bhana o madibesá; ua a benzela kala muthu kia fuama o dibesá diê.

II Jisobha 17:34

Katé-phe ni mu kizuua kia lelu, hanji a mu bhanga kala o kikexilu kiâ kia dianga; ka moneka uoma ua Jihova; o ioso ia bhanga, ka i bhangela mu mabatuilu ma Jihova, mba mu matendelelu mê, mba mu ngonge iê, mba mu ijila ia Jihova ia tendelela ku anʼa Jakobo, a mu lukile kuala Muene, uixi: Izalaiele.

II Malunda 10:17

Maji-phe o anʼa Izalaiele a tungile mu jimbonge ja Juda ene a tumina jinga kuala sobha Lebouamu ku thandu diâ.

II Malunda 11:2

Maji-phe, kizuelu kia Jihova kieza kua Semaia, muthu ua Nzambi, kuila:

II Malunda 11:4

Jihova uambe kiki: Kana kubanda, mba mu zoka ni jiphange jenu; muthu ni muthu a vutukile mʼonzo iê, mukonda kima kiki kia tundu kokuami. Anga evua kizuelu kia Jihova hé a fula kuia mu kúlua ni Jelobouamu.

Makatukilu 24:4

Mozé anga u soneka maka moso ma Jihova, anga u di meneka mu kimene, u tunga kalatódio mu betekete ia mulundu, u imika kuinhi dia philadi ni kiiadi, ua fikisa mu kuinhi dia muiji ni Kiiadi ia Izalaiele.

Filipe 3:5

Ngi muthu a ngi saia mu kizuua kia kanake, tunde bhu kumbi dia ku ngi vuala. Nga tundu ku mbutu ia Izalaiele, ku muiji ua Bejami, ngi Hebeleu ia kidi mu ʼaxaxe ka Jihebeleu. Mù kuibhula ki kala o kukumbidila Kitumu kia Jijudé, eme nga kexile ngi Falizé.