Álaka ia Jihova anga a i bhiẋidisa, a i tula bhu kididi kiê mu kaẋi ka balaka ia iudika Davidi phala ku i bhakela-mu; Davidi anga u bhakula jisata ja kuoha, ni jisata ja kubhandulula kua Jihova.
Davidi anga u zanguka ni mundu uoso uala-nê kumoxi, aia bhu Bahale ia Juda, mu kutakana kuenhoko o álaka ia Nzambi, ia ku fumanesena o Dijina, dijina dia Jihova dia Ifuẋi, ua xikama muʼaxaxi ka jixelubini.
Hé u a ambela, uixi: Enu, enuʼenu mu ilamba muala kupholo ia jitata muʼaxaxe ka jilevita: Dizelesienu-phe, enu ni jiphange jenu, phala mu bandese o álaka ia Jihova, Nzambi ia Izalaiele, ku kididi ki nga i iudikila.
Bheneʼobho Solomá anga u bhongolola adiakime oso a Izalaiele mu Jeluzaleme, ni malemba oso a miji, ni makota mu jitata ja anʼa Izalaiele, phala kubandesa o álaka ia kikutu kia Jihova, ku tunda mu mbonge ia Davidi, muene Ziione, ni ku i bheka mu thembulu.
Mbata anʼa Izalaiele endele dikanga dia izuua iiadi, o kia katatu-phe a bhixila mu jisanzala ja ene; jisanzala jâ-phe, Ngidiione, ni Kefila, ni Behelote ni Kidiate-Jadimi.