II Malunda 1:12 - O Mikanda Ikola

¹² o unjimu ni kuijiia a ku bhana-u; nga-nda ku kubhana ni umvuama, ni jimbongo, ni kijingu, kia bhingi kuila kana-ku sobha ua kexile na-kiu kuema dié, o ku pholo ue kana muthu dingi ua kà kala na-kiu.

II Malunda 1:12 ပူးပေါင်းရင်းမြစ်များ

I Jisobha 10:24

mundu uoso anga a sota kumona o pholo ia Solomá, ni kuívua o kuijiia kuê, kua mu tele Nzambi ku muẋima uê.

I Malunda 29:12

O umvuama uoso ni fuma i tunda kokué; eie u tumina o ima ioso, o bhu lúkuaku lué bhene bhuala o nguzu ni kutena; o bhu lúkuaku lué bhene bhuala o kuzangeleka o muthu ni kubhana nguzu ku ima ioso.

I Malunda 29:25

O Jihova anga u zangeleka Solomá ditala dionéne bhu pholo ia akua Izalaiele oso. Anga u mu bhana kijingu kia ungana, kia bhingi ki kua kexile luua sobha mu Izalaiele ua kexile na-kiu.

II Malunda 9:22

Kienʼiki sobha Solomá anga u tunda jisobha joso mungongo, mu umvuama ni mu kuijiia.

Nehemiia 13:26

Manhi o Solomá, o sobha ia Izalaiele, mu kusakana kuenhuku ki muene mua tele kituxi, suke muʼaxaxe ka ifuẋi ia athu avulu kana-mu sobha ia di fuile-nê, ni mu ku mu zola kuala Nzambi iê, ni mu ku mu bhanga kukala sobha ia Izalaiele ioso kuala Nzambi? Ku thandu diê-phe anga ahatu a akua matumbu a mu tesa kituxi.

Ndongixi 2:9

Anga o ku kula kuami ku vula kinéne, hé ngi tûnda, ngi kala muene kotʼélele ene oso a ngi diangelele mu Jeluzaleme a kala ndenge. Hanji-phe, mu ima iosuʼiii, o kilunji kiami kikié.

Ndongixi 5:19

Kuma o muthu ió a mu bhana o itadi ni jimbongo ja vulu kuala Nzambi, hé u mu bhana ue o nguzu ia kudia-ku ni kukatula-ku o dikânda diê, ni kukemba ku kikalakalu kiê kia kalakala, tuila kumaʼió ujitu ua Nzambi uene.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Efezo 3:20

Kiki o Nzambi muenʼió ua soko-bhu kubhanga ioso i tua tena o kubhinga, ni ioso i tua tena o kubanza, nʼa te-ku dingi kiatundu kiavulu, mu nguzu iê i tu kalakala moxi,

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.