II Malunda 1:1 - O Mikanda Ikola

¹ Solomá, monʼa Davidi, anga u kala ni kutena kua vulu mʼoxi ia utuminu uê; o Jihova, Nzambi iê anga u kala-nê kumoxi, anga u mu zangeleka kiavulu kinéne.

II Malunda 1:1 ပူးပေါင်းရင်းမြစ်များ

Dimatekenu 21:22

Anga ki kala-phe kuila, o thembu ienhoio, Abimeleke ni Fikole kesongo ka kilômbo kiê, a zuela ni Mbalahamu, exi: Eie Nzambi uala-nê mu ima ioso i ua-lu bhanga.

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

Dimatekenu 39:3

O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

I Jisobha 2:12

Solomá anga u xala ua xikama bhu kiandu kia tatʼâ Davidi, utuminu uê anga u kuata kiambote muene kiavulu.

I Jisobha 2:46

Muenexi anga u tuma Benaia, monʼa Jiehoiada, u tunda-nê ku kanga, hé u mu ta, u mu jibha. Utuminu uaʼxi anga u kuata kiambote bhu lukuaku lua Solomá.

I Malunda 17:8

Eme nga kexile jinge ni eie ku mbandu joso kuoso ku ua ditela jinga, jinguma jé joso nga ji jikinisa muene ku mesuʼé a kutala, katé bhu pholo ié kia-bhu-bhu, eme nga ku bhana o dijina dia kulu kala o dijina dia ilamba mu ngongo.

I Malunda 22:11

Kala kiki-phe, monʼami, Jihova akale ni eie; u laie, ukale ni kuzediua, nda u tunge o inzo ia Jihova, Nzambi ié, kala muene kia ku tange-kiu.

I Malunda 22:16

O ku ulu, ni phalata, ni kobidi ni felu, ni imʼii iala nzungule, kana-ku dialuilu diê; eie balumuka-phe u bhange o kikalakalu, o Ngana Nzambi akale ni eie.

I Malunda 29:23

Kie nhiki Solomá anga u xikama ku kiandu kia Jihova mu kukala sobha, bhu kididi kia tatʼâ Davidi, anga u zediua; o akua Izalaiele oso a mu tumaka.

I Malunda 29:25

O Jihova anga u zangeleka Solomá ditala dionéne bhu pholo ia akua Izalaiele oso. Anga u mu bhana kijingu kia ungana, kia bhingi ki kua kexile luua sobha mu Izalaiele ua kexile na-kiu.

I Malunda 29:30

Kumoxi ni utuminu uê uoso, ni kutena kuê kuoso; ni ima ioso ia bhiti na-iu muène, ni ku thandu dia Izalaiele, ni ia bhiti ku thandu dia mautuminu oso a jixi jenhojo.

II Malunda 32:23

A vulu anga aia ni kubheka maujitu mu Jeluzaleme kua Jihova ni ima ia te kiavulu kua Ezekiia sobha ia Juda, katé kua suku kunu a mu zangeleka kiavulu ku mesu ma akua jixi joso.

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Josuué 3:7

Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.