II Kolindo 9:7 - O Mikanda Ikola

⁷ Kala muthu a bhane uila kia mu kala mu muẋima uê, ka bhane ni kuluuala, mba mu ku mu bhinjika. Mbata Nzambi ua zola mukua kubhana ni ngalasa ioso.

II Kolindo 9:7 ပူးပေါင်းရင်းမြစ်များ

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

I Malunda 29:9

O mundu anga a sanguluka ni ima ia bhana mu vondadi iâ, mukonda a i bhana ni vondadi ioso kua Jihova, ni muẋima ua tenena. O sobha Davidi ue kia mu bhekela kusanguluka kuavulu.

Makatukilu 25:2

Ambela anʼa Izalaiele a ngi bhekele ujitu ua ku di fikisila. Ku athu oso a zanguka muxima iâ, mu kubhana ni kieha, kuene ku mu ngi tambuila ujitu uami.

Makatukilu 35:5

Mu tambula mudienu, ku ioso i muala na-iu, mukungu ua Jihova; uoso muxima ua mu zangumuka mu vondadi iê, a bheke ujitu kua Jihova; ni ulu, ni phalta, ni ngôndo,

Jisabhu 11:25

Muenhu ua muthu ua uabhela ku uanena akuá, u mona mbote; kuma uoso u tekela, muene ue a mu tekela.

Jisabhu 22:9

Uoso uene ni utalelu ua mbote, sai dibesá diê; mukonda u tena kutonginina o ngadiama, ni ku mu bhana kúdia.

Izaía 32:5

O seletete ka-nda ku mu ixana dingi mujitu; o kinjenje ka kà mu ila dingi mubhani, mubhangiʼambote.

Izaía 32:8

Maji muthu a mu edi mujitu, u kana ujitu uene; mukonda dia ujitu uê, uimana kididi, utunga, usoma.

Jipoxolo 20:35

Mu ima ioso nga mʼ idikiza kioso ki mua fuama kukalakala ni kubhindumuna mukuenu ua tate. Endenu ni kuxinganeka o kizuelu kia Ngana Jezú, ki edile uixi: O kubhana kota mu kuzediuisa, o kutambula ndenge.

Loma 12:8

Se ua kubhetula akuetu miẋima, tu a bhetule muene. Uoso u uana ni akuâ kioso ki ala na-kiu, a ki bhange ni muẋima uambote. Uoso uala ni ukota ua kutumina, a tumine ni muanu. Uoso u kuatekesa akuâ ni ku a bhanga mbote, a i bhange ni kusanguluka.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

Matendelelu 15:14

Di-fikixile muene, phala u mu longelese kiasoko, uila o mu kibhanga kié ua mu nomuena-mu, o bhu diʼanekenu dié ua mu nomuena-bhu, o mu ditangi dié ua mu katuila-mu; bhuoso kiá bhua ku muesa kuala Jihova Nzambi ié, muene ue u mu nomuesa-bhu anga u mu bhana.

Filemone 1:14

Ki ngi mesena-phe ku ki bhanga, kuila ngi xala-nê sé kuivua kioso ki ua xinganeka, phala o mbote i u ngi bhanga, ki i kale ia ku ku bhinjika, maji ia vondadi.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.

I Phetele 4:9

Dʼidikizienu usonhi mudienu, kala muthu a tambulule mukuâ mu bhata diê sé kuditata.