II Kolindo 9:6 - O Mikanda Ikola

⁶ Lembalalenu kuila: Uoso u kuua bhuʼofele, u muna ue bhuʼofele; uoso u kuua nzungule, u muna ue kia nzungule.

II Kolindo 9:6 ပူးပေါင်းရင်းမြစ်များ

Jisabhu 11:18

Mukua-phulu kia kalakala, kima kia bhanga ki ki tundu mbote; uoso-phe u kuna jimbutu ja kutetuluka, ua xikamena futu ia kidi.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 22:9

Uoso uene ni utalelu ua mbote, sai dibesá diê; mukonda u tena kutonginina o ngadiama, ni ku mu bhana kúdia.

Ndongixi 11:1

Takuila o kúdia kué ku menha, kuma hádia ki bhita o izuua u ku bongʼê dingi.

Ndongixi 11:6

Kuna mbutu ié mu kimene, o ku kiemba ue, ʼkuaku lué kí lu nhohe, mukonda eie kuijiia se mbutu iebhi ku ua-nda kuzediuila; hé iii, mba ioio, mba mbutu joso hádia ji iukila bhua moxi.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 15:20

Maji kiki-phe, Kristu ua fukunuka muene mu ʼalunga ni kidi, iú ua di bhange ngunji ia tu dielelesa kuila athu oso afu kiá hadia ue a kà fukunuka.

I Kolindo 7:29

Ngambe-phe kiki, jiphange, kuma o thembu ia butu, kua bhingi ku pholo ku tuia, oso ala ni ahatuʼâ, a kale uila kala-nâ.

II Kolindo 9:10

O Nzambi mukua kubhana o mbutu phala ku kuna, ni musa ua kudia, uanda ku mi bhana ue o jimbutu joso ji mua bhindamena. Anga u ji sokolola, hé ji bhana ibundu ia kumuna i tunda mu kulenduka kuenu.

II Kolindo 9:5

Kala kiki, nga fika kia uabha kubhinga kuila bhu kale jiphange ji tu tuamenena ku mualʼoko, phala kuiudika o ujitu uenu u mua tange. Phala eme ki nga kà bhixila, ngi sange uoiudike kiá, o ene oso a kʼijiie kuila kima kia vondadi ienu, ki kʼile kala etu tua mi bhinjika.

Ngalásia 3:17

Eme-phe ngambe kiki: kioso kikutu kia Nzambi ki a ta jinga mʼ ukulu, bhu kaxi anga bhu bhita hama jiuana ja muvu ni makuinhi atatu, anga kuiza kiua o Kitumu. O Kitumu kiokio ki ki tena kubhuisa-ku o kikutu kia tuama, ki ki tena ue kutumbulula o polomesa ia Nzambi.

Ngalásia 5:16

Ki ngambe-phe, kiki: Ehelenu o Nzumbi ia Nzambi ku endesa o mienhu ienu, ki mu kale mu kutumaka dingi o jihanji ja xitu.

Efezo 4:17

Ngambe-phe kiki, nga mi bhana umbangi mua Ngana, kuma: Ki mu ende dingi kala ki enda o matumbu ió kene Nzambi mu usemenhi uâ,

Kolose 2:4

Nga zuela kiki, phala kana muthu a mi jimbidise mu kuzuela kuê kua kubhomba, né-mbe mua mu mono muene uala muthu uambote.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.