II Kolindo 9:5 - O Mikanda Ikola

⁵ Kala kiki, nga fika kia uabha kubhinga kuila bhu kale jiphange ji tu tuamenena ku mualʼoko, phala kuiudika o ujitu uenu u mua tange. Phala eme ki nga kà bhixila, ngi sange uoiudike kiá, o ene oso a kʼijiie kuila kima kia vondadi ienu, ki kʼile kala etu tua mi bhinjika.

II Kolindo 9:5 ပူးပေါင်းရင်းမြစ်များ

Dimatekenu 33:11

Uixi: Tambula nga ku diondo, o ujitu u nga ku tumikisa; mukonda Nzambi ua ngi bhandulula, mukonda ue ima ioso ngala na-iu. Anga u jiza katé Izaú kia ẋikina.

II Jisobha 5:15

Bheneʼobho u vutuka kua muthu ua Nzambi, ni muene ni oso a kexile mu kuenda-nâ, hé uiza, uimana bhu pholo iê, uixi: Tala, nga kʼijiia kiá kuila mungongo ioso kana-mu Nzambi, kikale ngó mua Izalaiele, kuabhu! O kindala-phe, nga ku diondo, tambula ujitu kua mubhikʼé.

I Kolindo 16:2

Mu kizuua kia dianga ku semana, kala muthu mudienu a katule kakitadi, a ka lunde kididi, kioso kia soko mu kulenda kuê. Mbe hadia ki ku bhinge dingi kubhanga mukungu hinu ki ngi mi sanga.

II Kolindo 8:6

Katé Tito tua mu bhingile, mukonda muène ua mi matekesa o kikalakalu kiki, phala a mi kuatekese o kuzubha ujitu uenʼiú.

II Kolindo 9:3

Nga mu tumikisa kindala o jiphange jiji phala o thathe i nga te mukonda dienu ku maka iá ki i kale ia makutu. Maji mu kale mua di iudika uila ki nga ki tange.

II Kolindo 9:6

Lembalalenu kuila: Uoso u kuua bhuʼofele, u muna ue bhuʼofele; uoso u kuua nzungule, u muna ue kia nzungule.

Filipe 4:17

Kana, ki mukonda ngalù sota a ngi bhana; maji ngalù sota enu mu ime ibundu i mi nganhalesa ku konda ienu.

Afundixi 1:15

Monʼa muhatu anga u mu ambela, uixi: Ngi bhane kizediuise; kuma ua ngi tungisa mʼoxi ia thothuena, ngi bhane ue ni majiia a menha. Kalebe anga u mu bhana ni majiia ma thala ni majiia ma luiji.

I Samuuele 25:27

Ujitu-phe iú u nga ku bhekela ngana, ngi mubhikʼé, u u bhane minzangala iá a ku kaiela, eie u ngana iami.

I Samuuele 30:26

Davidi anga u bhixila bhu Zikilake, ku ibhaku ia tambula anga u tumikisa-ku ku adiakimi a Juda, o makambʼê, uixi: Ujitu-ze iú u nga mi tumikisa, ua tundu ku ibhundile i tua bhûndu ku jinguma ja Jihova.