II Kolindo 9:4 - O Mikanda Ikola

⁴ Uila kiki, se athu ku akua Masedonia aia ni eme, hé tu sanga kiluua mu di iudika kia-nda ku kala kima kia jisonhi phala etu. Katuku o jisonhi ji mu kala na-ju enʼuenu, mukonda dia kudielela ku tua mi kala na-ku.

II Kolindo 9:4 ပူးပေါင်းရင်းမြစ်များ

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

I Kolindo 16:2

Mu kizuua kia dianga ku semana, kala muthu mudienu a katule kakitadi, a ka lunde kididi, kioso kia soko mu kulenda kuê. Mbe hadia ki ku bhinge dingi kubhanga mukungu hinu ki ngi mi sanga.

II Kolindo 11:17

Ki nga mu zuelʼiki, ki nga mu ki zuela kala kia Ngana. Ku maka iâ a ku di hanza, nga mu a zuela muene kala ngi semenhi.

II Kolindo 8:24

Kala kiki, phala o jingeleja jamakuâ nʼ a kʼ ijiie, jiphange jiji a edikisienu-phe bhu pholo ia jingeleja kuila enu mua a zola, ni kuila ue etu tua lungu, bhu kaxi ni thathe ietu i tuene ku mi tela.

II Kolindo 9:2

Kuma nga kʼijiia kuila enu mu andala ku a bindumuna, kiene muene ki nga mu mi ximanena ku jiphange ja akua Masedonia. Eme ngʼambe ngixi: O jiphange ku Ngelésia, a di iudika phala ku kuatekesa tunde kiá mu muvu ua tundu-mu. Avulu muene mudiâ a suina dingi kiengi mukonda dia vodadi ienu.

Filemone 1:19

Eme Phaulu nga ki soneka ni lukuaku luami muene, kuila: Hinu ngi ki futa. Oko ki ngi bhindamena-phe ku ku lembalesa kuila eie-muène o muenhu ué ua u di dikongo ko kuami.