II Kolindo 8:9 - O Mikanda Ikola

⁹ Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

II Kolindo 8:9 ပူးပေါင်းရင်းမြစ်များ

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Izaía 65:8

Jihova uambe kiki: Mukuâ ni mu kisaka kia jiʼuva kia sanga-mu o vinhu iobhe, ene kuila, exi: Ku i zange, kuma muenhomo muala kubhanduluka; kiene ue ki nga-nda kubhanga mukonda dia henda ia jiselevende jami, phala ki ngʼa jikinise ene oso.

Matesu 17:27

Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Marku 6:3

Manhi ki muene musongi a mabaiʼu, monʼa Madiia, phange ia Tiiaku ni Zuze ni Juda, ni Ximá? Ni jiphange je ja ahatu, ki etu-nâ mu ʼaxaxe kʼetu? Anga a mu lebhula.

Luka 16:11

Kuma enu se mua kambe kubhanga kidi mu umvuama ua mangonha ma mundu iú, nanhi u mi dielela mu umvuama ua kidi?

Luka 2:7

Anga u vuala monʼê ua dianga, anga u mu futa mu milele, hé u mu zekesa mu kidilu kia ibhku, kuma mu kijima ka muene-mu kididi.

Luka 8:3

ni Nzuana, mukaji a Kuza, kimbadi kia Helode, ni Suzana, ni a mukuá avulu, anga a kala ku mu kuatekesa ni jimbongo jâ.

Luka 9:58

Kuala Jezú: O mikenge sai mauina mâ; o jinjila ji bhita bhulu sai ue ni ikalanga iâ; maji o Monʼa Muthu kala ni bhuma bhua zendelekela o mútue.

Nzuá 1:10

Muène Diambu ua kexile mu ngongo, o Nzambi mundu ua u bhangela mua muène, maji o mundu-phe ki ua mu ijiia.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 12:30

Maji Jezú-phe, uixi: Dízui didi ki dieza mukonda diami, dieza mukonda dienu.

Nzuá 16:15

Ima ioso iala na-iu Tata, iami. Kiene ki nga ki ambela, ngixi: O Nzumbi ua kà katula ko kuami, nʼa mi tudila enu.

Nzuá 17:19

Mukonda dia ene, eme nga di bhakula ni muenhu uoso ko kué. Nga bhange kiki, phala ene ua nʼ a di lumbe ko kué mu kidi.

Loma 11:12

O kituxi kia Jijudé kia bheka mabesá mʼ onéne mu ngongo ioso, o uadiama uâ mu nzumbi ua bheka umoni phala oso ki Jijudé. O ku hadia-phe mabesá kuvula kuê kua kà soka kiebhi, kioso kia kà tenena o konda ia Jijudé ja kà bhongoloka dingi kua Nzambi!

Loma 15:3

Mukonda ni Kristu muène ka di uabhelele ngó muène. Maji kala kia ki soneka mu Mikanda Ikôla, exi: O malebhu ma ió a ku lebhula eie, ma ngi tula ku thandu diami.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

Loma 8:32

Nzambi uedile ni Monʼ ê muène ka mu fikixila, maji ua mu bhakuile mukonda dia etu-ene-oso! Nzambi se ua tu bhana Monʼ ê, u kamba kiebhi ku tu bhana mu ngoho, kumoxi ni muène, o ima ioso kiá?

I Kolindo 1:4

Eme ngene mù sakidila jinga Nzambi, mukonda dienu, mukonda dia kiadi kia Nzambi kia mi bhana mua Kristu Jezú.

I Kolindo 15:47

O Adá ia diangele-ku, a mu bhangele ni mavu ma bhoxi, o Adá ia kaiela-ku ua tundile mu diulu.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.