II Kolindo 8:7 - O Mikanda Ikola

⁷ Mu ima ioso enu mua londekesa kuila muala kota, o akuenuʼ oso ndenge; ni mu kuxikana, ni mu kuzuela, ni mu kuijiia, ni mu vondadi ioso i muala na-iu ia kukuatekesa akuenu, ni mu henda, i mua tu kala na-iu. O mu kikalakalu kia henda, tuandala ue kuila enu mu kala kota mu kubhanga, o akuenu oso ndenge.

II Kolindo 8:7 ပူးပေါင်းရင်းမြစ်များ

Matesu 25:22

Mukuá, ua tambuile talendu jiiadi, anga uiza, uixi: Ngana, eie ua ngi bhele talendu jiiadi. Tala, nga nganhala-ku dingi jiiadi jamukuá.

Loma 15:14

Eme uami-phe, phange jami, ngejiia kidi kuma enu muezala ni vondadi iambote, muezala ni kuijiia; uila kiki mua soko-bhu ku di longesa mudienu.

I Kolindo 1:5

Kuma mu kudituma kuenu ni Kristu, mu ima ioso mua tambula umonhi mua muène,—kixi mu ioso i mu zuela,

I Kolindo 12:13

Kuma ku Nzumbi imoxi etu oso a tu batizala mu mukutu umoxi, kixi tu Jijudé, kixi ki tu Jijudé, kixi tu abhika, kixi tu jifôlo. Etu oso a tu nuisa ku Nzumbi imoxi.

I Kolindo 12:8

Kuma sai iú a mu bhana kuala Nzumbi Ikôla, hundu ia kutongolola; sai iú a mu bhana hundu ia kuijiia, maji ienda ni Nzumbi iene imoxi.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

I Kolindo 13:8

O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

I Kolindo 14:12

Kiene kimoxi ue enu, kuma mua bhindamena mauhete ma nzumbi, kota-kota-phe Sotenu kukala ni mauhete moso ma bhangesa o Ngeleja kukala dingi mu nzumbi.

I Kolindo 4:7

Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

II Kolindo 7:7

O kutana-phe ngó ni kuiza kuê muène ki kuene, maji ue ni njimbu ia kutululuka kuê kua mono ko-kuenu ku mua mu tululukisa na-ku. Muène ua tu kundu o ngùnzu ienu i mua ngi kala na-iu, iú ua tu tangela ue kuila muala ni malamba avulu, katé muala polondo ia ku ngi luila o mvunda. Kienhiki, nga zediua dingi kiengi.

II Kolindo 8:6

Katé Tito tua mu bhingile, mukonda muène ua mi matekesa o kikalakalu kiki, phala a mi kuatekese o kuzubha ujitu uenʼiú.

II Kolindo 9:14

Uila kiki, ene uâ mu ku mi sambela a kà ki bhanga ni huii iavulu, mukonda dia henda ionéne ia Nzambi iene ku mi kuatela enu.

II Kolindo 9:8

Nzambi-phe ua sokobho o ku mi bhana kia tundu ioso i mua bhindamena, phala izuua ioso mu kale mua tenena mu imbamba ioso ia mbote.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!