II Kolindo 8:4 - O Mikanda Ikola

⁴ kuma a tu bhingile muène ni kudionda kuavulu kutambula o ujitu uenʼiú, ua mukungu ua kubindumuna o akua Ngana ku Judeia.

II Kolindo 8:4 ပူးပေါင်းရင်းမြစ်များ

Matesu 10:42

Uoso ue u bhana-ku muthu ku jindengʼ iji, kopho ngó ia menha ma talala ma kunua, mukonda dia kukala xibulu iami, ngi mi tangela kidi, o kisakidilu kiê ki kià kamba.

Matesu 12:50

Mbata uoso u bhanga o vondadi ia Tata iami uene mu diulu, muène phange iami ia diiala, muène phange iami ia muhatu, muène mamʼetu.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Marku 14:7

Mbata jingadiama mua xalela-na-ju; kithangana kioso ki mua mesena ku a bhanga jimbote, mu ki bhanga. Eme-phe ki ngi xalela ni enu ithangana ioso.

Jipoxolo 11:29

Kieniokio jixibulu joso, kala muthu kioso kia soko na-kiu, a sola kusanga ngasu ia kutuma kubindumuna jiphange ja tungu mu Judeia.

Jipoxolo 16:15

O kia mu batizala ni akua-mbele iê, u tu dionda, uixi: Se mua ngi mono ni ufiiele kua Ngana, zenu mu kale mʼ onzo iami. Anga u tu jijila kukala mʼ onzo iê.

Jipoxolo 24:17

Kua ngi bhitila mivu iavulu ku makanga, eme ngejile kubhekela o kifuẋi kietu jimola ni maujitu.

Loma 15:31

Sambenu phala eme ngi bhulake kua ió a kambe kuxikana ala mu Judeia, ni mukungu u ngala kuia na-u a u tambule ni ujitu kuala akua Ngana momo.

I Kolindo 16:1

Kiki-phe o mukungu ua kitadi u muala kubhanga phala akua Ngana ku Judeia, kioso ki nga tumu o Jingeleja ja Ngalásia, kiene ue ku mu bhanga enu.

I Kolindo 16:15

Enu Setefano mua mu ijiia kiambote, kumoxi ni akua bhata diê,—ene o jikidistá ja dianga o kudiela ku Ngelésia, iá a te muẋima ku kikalakalu kia kudikila o athu a ngene a Nzambi. Enu phange jami, nga mi diondo-phe,

II Kolindo 9:1

Bu kaxi ni mukungu u muala kutumikisa phala kubindumuna akua Ngana ku Judeia, ki ki bhingi ngó ku mi sonekena.

Ngalásia 2:10

Inda kima kimoxi ngó kia tu bhingile, o kulembalala jingadiama mu Jingeleja jâ; kienʼ iki kiene o kima ki nga suinina kiá, katé ni lelu o ku ki bhanga ni muanu.

Ngalásia 6:10

Uila kiki, bhuoso bhu tu muena o kithangana, tu bhangienu mbote athu oso, kota-kota-phe a tokala mu dianda dia kuxikana.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.