II Kolindo 7:9 - O Mikanda Ikola

⁹ Maji kiki-phe nga sanguluka, kana mukonda mua kuatele mukondo, mukonda dia mukanda uami, maji mukonda o mukondo uenhó ua mi bhekela kudiela. Kuma o mukondo u mua kuatele, ua u uzala phala enu ki mu tunuke ni kima mukonda dietu etu.

II Kolindo 7:9 ပူးပေါင်းရင်းမြစ်များ

Jisálamu 38:18

Nga di ẋikina-phe o kuêla kuami; kituxi kiami ngi ki diéla, né ngi ki talela hadi.

Ndongixi 7:3

O dilamba kota jingolela ndenge, mukonda o pholo kioso ki i luuala, o muẋima u kala dingi kiengi.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Matesu 3:8

Imenu-phe ibundu ia fuama o kudiela.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Luka 15:7

Nga mi ambela, kuma kiene ue ku diulu, o kusanguluka kuâ kuvula dingi, mukonda dia muthu umoxi ua diela ituxi iê, ki ki soko ni makuinhʼivua a muthu nʼivua aiuka, ka bhingi dingi kudiela.

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

II Kolindo 7:8

Né-mbe ku mukanda uami nga mi kuatesa mukondo, ki ngʼidi tamanu ki nga u sonekene. Sumbala kioso ki nga mono kuila o mukanda uenhó ua mi kuatesa mukondo mu ka kithangana ngó, kia ngi fuamene kudiela.