II Kolindo 7:7 - O Mikanda Ikola

⁷ O kutana-phe ngó ni kuiza kuê muène ki kuene, maji ue ni njimbu ia kutululuka kuê kua mono ko-kuenu ku mua mu tululukisa na-ku. Muène ua tu kundu o ngùnzu ienu i mua ngi kala na-iu, iú ua tu tangela ue kuila muala ni malamba avulu, katé muala polondo ia ku ngi luila o mvunda. Kienhiki, nga zediua dingi kiengi.

II Kolindo 7:7 ပူးပေါင်းရင်းမြစ်များ

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 38:18

Nga di ẋikina-phe o kuêla kuami; kituxi kiami ngi ki diéla, né ngi ki talela hadi.

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Matesu 26:75

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Matesu 5:4

A zediua adila, mbata Nzambi ua kà a tululula.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Loma 1:12

Kifua nga mesena kuzuela kuila etu ene oso—ni enu ni eme,—tu di konda malamba mu ku dʼ ijiia mudietu o kuxikana kuetu, ni tuidi enu mu suina ki mu mona o kuxikana kuami, eme uami ngi sanga dingi nguzu mu kuxikana kuenu ku muala na-ku.

I Kolindo 5:2

Enu-phe muala kiebhi ni izala iosuʼ oio? Kia mi fuamene kukala ni mala mba avulu, phala uoso ua bhange kienʼ iki ku mu tubhula mudienu.

II Kolindo 1:14

mu ima ioio kindalʼiki i muejiia ngó mbandu, phala o mu kizuua kia Ngana ietu Jezú Kristu mu zangalale mukonda dietu, uila etu mukonda dienu.

II Kolindo 1:4

Muène mukua ku tu kuatekesa mu hadi ietu ioso, phala tu tene ue kukuatekesa oso ala mù tala hadi kala etu. O dikuatekesu dioso di tualù tambula etu kua Nzambi, diene ue di tu kuatekesa na-diu akuetu.

II Kolindo 2:9

Kuma kiene ue ki nga mi sonekena o mukanda uenhó. Mukonda ngandala ku mi lola, ni ngʼijiie mba mu ngi tumaka mu ima ioso i ngi mi tangela.

II Kolindo 5:2

Mukonda o hânji i tuala na-iu ia kukala ni dibhata dietu ku diulu iònene ia mu tu bhangesa kukema mu kumesena kuila i di bhange kiá momuetu.

II Kolindo 7:6

Kiene kimoxi Nzambi mukua kutululukisa oso a bhondalala, ua tu bhana kutululuka mu kuiza kua Tito.

II Kolindo 7:8

Né-mbe ku mukanda uami nga mi kuatesa mukondo, ki ngʼidi tamanu ki nga u sonekene. Sumbala kioso ki nga mono kuila o mukanda uenhó ua mi kuatesa mukondo mu ka kithangana ngó, kia ngi fuamene kudiela.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Kolose 2:5

Kuma sumbala mu xitu ngala kuengi, mu nzumbi-phe ngala kuene ku mualʼoko. Ngala mu tana mu kutala o ku di tuma kuenu mudienu, ni kukolokota kuenu mu kuxikana Kristu.

I Tesalonika 3:6

Timote-phe kia tu sange kunu kindalʼ iki, ua tundu ku mualʼ oko, ua tu bhekela hundu iambote ia kuxikana kuenu ni henda ienu, kuma hanji mua tu lembalala kiambote, mua tu indi ku tu mona mesu, kala etu ue ki tua mʼindi enu.

I Tesalonika 3:8

Kuma ki tualʼ iki, enu se mu kolokota mua Ngana, etu ue tu laia ni kidi muene.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

Tiiaku 5:17

O Elija dia musèsedi, ua kexile muthu ni mukuetu, o jihânji jene jimoxi ni etu. Muène anga u samba lujiji phala mvula ki i noke, iene anga i bhanga mivu itatu ni mbeji jisamanu sè kunoka mu ngongo.

II Nzuá 1:4

Nga sanguluka kiavulu, ki ngevu kuma anʼê amoxi ala kuenda mu kidi uila kia tu bhana Tata o kijila.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.