II Kolindo 7:3 - O Mikanda Ikola

³ Ki nga ki ambela ku mi elêsa. Kuma kala ki nga ki zuela kiá ngixi enu mua tu kala kiavulu ku miẋima, o izuua ioso tuala bhuamoxi, kixi kufuila kumoxi kixi kulaiela kumoxi.

II Kolindo 7:3 ပူးပေါင်းရင်းမြစ်များ

II Kolindo 11:11

Mukonda diahi? Manhi mukonda ki ngi mi zolo? Nzambi ua kʼijiia kuila nga mi zola!

II Kolindo 12:15

Eme ngi ki sangulukila kiavulu o ku mi texila ioso i ngala na-iu, katé ni eme-muène ku di bhana mu kusota o mienhu ienu. Kifua se o henda iami iia ni kuvula, enu o ienu iia ni kusosoloka?

II Kolindo 13:10

Mukonda dia kiki kiene ki nga mi sonekena imʼiii kiosuʼiki eme ngala kuengi, phala hinu ki ngi mi sanga ki ngi mi temene mu kijingu kia ngi bhana Ngana. Kuma kijungu kia ngi bhana kia kutunga, ki kia ku muanga, kana.

II Kolindo 3:2

Muala mu mukanda uetu, enu, uòsoneke ku miẋima ietu phala ku u ijiia ni ku u tanga ku athu oso.

II Kolindo 7:12

Kienhiki, sumbala nga mi sonekena o mukanda uenhó, ki nga ki bhangela mukonda dia ió ua bhangele kiaiibha, ki mukonda ue dia ió a mu bhangele kiaiibha. Maji nga sonekena phala o muanu uavulu u mua tu kuatela, u di monekene muʼaxaxi kenu bhu pholo ia Nzambi.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

I Tesalonika 2:8

Ni etu ue kiene, mukonda etu tua mi kuatela vondadi iavulu, tuendile tu mi bhana kana ngó o Njimbu Iambote ia Nzambi, maji ni mienhu ietu-èlele iene. Mukonda tua mi zola kiavulu.