2 Iudikenu kididi phala etu mu miẋima ienu. Kana-ku muthu tua mu bhange phulu, kana-ku muthu tua mu di mangonha, kana-ku muthu tua sota ku mu bhanga kudimuka.
Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.
Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.
Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.
Ngi ki zuela dingi, ki bhu kale muthu u ngi fika ni usemenhi. O ki kala-phe mua ngi fika ni usemenhi, kiene kimoxi ngi tambuludienu kienʼiki, phala ngi di thathe-ku bhuʼofele.
O tembu ioso i nga kexile ni enu ki nga bhindamene kitadi, kana muthu mudienu nga mu nemenene. Mukonda o jiphange ja tundile ku Masedonia, a ngi bhekelele ioso ia ngi kambele. Mu ima ioso tunde ku dimatekenu nga lengesa o ku mi nemena, ni kiki ue ki ngi xikina ku mi nemena.
Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.
Aristarko, ngala-nê muʼaleia, ku upelezu, ua mi menekena, ni Marku muebhu a Balanabé. Muène Marku mua muivu kia lekalu iê, koko se ua mi sange, mu tambuludienu kiambote.
Muthu uoso-uoso u mi sanga, hé u mi bhekela ulongelu uengi, o ua Kristu ki uene, muthu ió kana ku mu tambulula mʼ onzo jenu, kana ue ku mu menekena, muixi: O paze i kale ni eie.