II Kolindo 7:13 - O Mikanda Ikola

¹³ Mukonda dia kiki tua suina dingi. O ku thandu dia kutululuka kuku ku tua tambula, kua di te o kutana dingi kiavulu mukonda dia ngalasa ia Tito. Kuma enu oso mua mu kuatekesa mu ku mu nhohesa o muẋima.

II Kolindo 7:13 ပူးပေါင်းရင်းမြစ်များ

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

Loma 15:32

Phala hadia nga kà mi sange ni ngalasa, mu vondadi ia Nzambi; nga kà nhohe-ku hanji ni enu.

I Kolindo 12:26

O ki kala kidiandu kimoxi ki kata, idiandu ioso i katela-nê kumoxi. Se kidiandu kimoxi a ki zangeleka, idiandu ioso i tana-nê kumoxi. Ngeleja,

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

I Kolindo 16:18

Kuma ene a ngi suinisa kiavulu o muẋima. Eme ngejiia kuma ni enu ue a mi bhetula o miẋima. Athu oso a kala kiki, a fuama ku a ximana.

II Kolindo 2:13

Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

II Kolindo 2:3

Kiene ki nga ki sonekena mu mukanda uenhó. Kuma eme ki nga mesenene kuia, anga a mi kuatesa mukondo kuala athu ió a tokalele kuila ene a ngi sanguluisa. Kuma eme nga mi dielela kuila kioso eme ki ngi kala ni kuzediua, o ngalasa iami i kala ngalasa ienu enu oso.

II Kolindo 7:14

Mbata eme nga mu telele thathe ienu kua muène, ia ku mi zuela kiambote, o enu ue-phe ki mua ngi kuatesa jisonhi. Etu ima ioso i tuene ku mi tangela, ia kidi. Kiene ue ni thathe i tua tele bhu pholo ia Tito, ia ku mi ximana enu, a i mono kuma ia kidi.

II Kolindo 7:15

Ni muène ue henda ia mu vulu dingi kia mi lembalala o kutumaka kuenu enu oso, ni kioso ki mua mu tambulula ni ujitu, ni kuditolesa.

II Kolindo 7:6

Kiene kimoxi Nzambi mukua kutululukisa oso a bhondalala, ua tu bhana kutululuka mu kuiza kua Tito.

Filipe 2:28

Epafrodito kiene ki nga lengulukila ku mu katula, phala ki muanda kudimona-nê mu sanguluke luamukuâ, eme uami o malamba ma ngi tebhunuke.

II Timote 1:16

Ngana-phe à kuatele henda, akua bhata dia Onezifolo, kuma muéne ua ngi bhetula jinga muẋima luavulu. Muéne ka kexi ni jisonhi ja lubhambu lua upelezu uami.

Filemone 1:20

Kala kiki, phangʼiami, ndoko kia mukuetu, u ngi bhange o mbote mua Ngana, mbé u ngi nhohese o muẋima kuma ngala ngi phangʼié mua Kristu.

Filemone 1:7

Kuma eme ngala ni ngalasa iavulu ni kutululuka mukonda dia henda ié, mukuetu, kuma iene ku ngi suinisa. Mukonda eie uene mu kubhetula o miẋima ia mundu ua akua-Ngana oso.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.