II Kolindo 7:11 - O Mikanda Ikola

¹¹ Talesenu kioso kia bhange Nzambi ni mukondo uenu: Muene ua mi bhangesa kukala mu athu a ujitu dingi, kienhokio ue enu mu edikiza kuma ki muala ni kuêla. Kuthathamana kuahi ngó ku mua kexi na-ku! Uôma uahi u mua kexi na-u, ngunzu iahi i mua ngi kuetelele, muanu uahi, lusolo luahi ngó mu kubazela kiaiibha! Mu ima ioso iii mua dʼidikiza kuma mua zele mu mulonga uenhó.

II Kolindo 7:11 ပူးပေါင်းရင်းမြစ်များ

Nehemiia 13:25

Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Jisálamu 119:139

O muanu uami, hinu u ngi dia! Mukonda o jinguma jamiʼojo nguauâ kusuua o maka mé.

Jisálamu 130:6

Muenhu uami uala mu kuinda Ngana, ua fulu kilu ndenge, ua xikamena kuma kúkia; xi, ndenge muene, ió uala mu kuinda kuma kúkia!

Jisálamu 145:19

Muene u bhanga o vondadi ia ió oso a mu kala ni uoma; uívua nzongo iâ, ia kudikola, hé u a bhulula.

Jisálamu 2:11

Kota mu toloke kua Jihova, mu kale ni uoma uê, mu kale jinge ni kutana ni kuteketa.

Jisálamu 35:13

Ene-phe kia kexe mu kata, eme ngi zuata kidinhaji; ngi di bhinjika muene ni kujila o kúdia; ngi kala mu samba ni mútue uabhetama.

Jisálamu 38:9

Ngana, ima ioso i ngandala eie ua ijiia; o kudikola kuami kua kambe ku ku ívua.

Jisálamu 42:1

Mukuâ ni mbâmbi i haha, mukonda honga ia menhʼa hungulule, ia mu kala dikanga, kiene ue o muẋima uami uala mu haha, mu kuinda eie, u Nzambi!

Jisálamu 69:9

Kuma o muanu uaʼnzo ié uene ua ngi di, o manongo a ió a ku nongena eie, a ngi tula eme ku thandu,

Jisabhu 14:16

Njimu mukua-uoma, o kiaiibha u ki lenga; kioua-phe u di-vunza, u dimona uzonda, u fika kuila ua tungu ua somo.

Jisabhu 28:14

Ua zediua o muthu uoso uenda ni uoma ua Ngana mu thembu joso; maji uoso-phe u ẋiẋidisa o muẋima uê, ió ua xikamena kulaukila mu kikote.

Mukumbi ua Mikumbi 8:6

Ngi te ku muẋima ué kala kidimbu, ngi te ku lukuaku lué kala kimaku mukonda o henda iala ni nguzu kala kalunga; o difuba mu ku di kaka dia soko ni mbila; o makala mê makala ma túbhia; diene di di fuangana mukuâ ni milengo ia túbhia.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Daniiele 6:14

Sobha-phe kia zubha kuívua maka iá, kia mu bhana dilamba, anga, ku muẋima uê, ukana kukudila Daniiele; iu ua tutumba muene katé bhua fuila dikumbi, mbé kubhângela Daniiele phala ku mu bhulula.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Nzuá 2:17

Jixibulu jê anga ji lembalala kuma a ki soneka mu Mikanda Ikôla, exi: O henda i nga kuatela inzu iê, eie u Nzambi, ioha o muẋima uami kala túbhia.

Jipoxolo 17:16

Kiki kia kala Phaulu mu ku kinga Sila ni Timote mu Atena, muẋima ua mu suku kia mono mbanza ioso iezala iteka.

Loma 11:20

Kiene! Maji lembalalenu kuila ene a a batuile-ku mukonda dia kukamba kuxikana, enu-phe mua xala ku mudiva mukonda mua xikana. Kienʼ iki ki ki mi bhekele kukala ni ukumbu. Inda kalenu ni uôma.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Loma 3:5

Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

I Kolindo 12:25

Phala mu kiki, mu mukutu ki mu kale kizembu mba kudimuanga, maji idindu iene ioso i di kuatele muanu mudiâ.

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

I Kolindo 5:2

Enu-phe muala kiebhi ni izala iosuʼ oio? Kia mi fuamene kukala ni mala mba avulu, phala uoso ua bhange kienʼ iki ku mu tubhula mudienu.

II Kolindo 13:7

Tua mu kinga-phe Nzambi phala enu ki mu bhange kima kiaiibha, ki mukonda etu tuandala a tu ximana, maji mukonda tua mi andala kuila enu mu bhanga ima ia ujitu. Né mbe etu tuedi kala tua sekala.

II Kolindo 2:6

O muenhó, koso kaxtiku kê ka mu bhana kiá akuâ avulu, ka mu soke.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

II Kolindo 7:7

O kutana-phe ngó ni kuiza kuê muène ki kuene, maji ue ni njimbu ia kutululuka kuê kua mono ko-kuenu ku mua mu tululukisa na-ku. Muène ua tu kundu o ngùnzu ienu i mua ngi kala na-iu, iú ua tu tangela ue kuila muala ni malamba avulu, katé muala polondo ia ku ngi luila o mvunda. Kienhiki, nga zediua dingi kiengi.

II Kolindo 7:9

Maji kiki-phe nga sanguluka, kana mukonda mua kuatele mukondo, mukonda dia mukanda uami, maji mukonda o mukondo uenhó ua mi bhekela kudiela. Kuma o mukondo u mua kuatele, ua u uzala phala enu ki mu tunuke ni kima mukonda dietu etu.

II Kolindo 9:2

Kuma nga kʼijiia kuila enu mu andala ku a bindumuna, kiene muene ki nga mu mi ximanena ku jiphange ja akua Masedonia. Eme ngʼambe ngixi: O jiphange ku Ngelésia, a di iudika phala ku kuatekesa tunde kiá mu muvu ua tundu-mu. Avulu muene mudiâ a suina dingi kiengi mukonda dia vodadi ienu.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

II Timote 2:15

Kala ni muanu ua ku dʼidikiza kua Nzambi u muthu a ku lola, a ku mono kuiuka; u mukalakadi kua bhange kima kia tena ku ku kuatesa jisonhi; u mukua kulonga kiambote o maka ma kidi.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.

I Phetele 2:2

Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

Juda 1:23

Amukuá mu a bhulula ni ku a nhangumuna mu tubhia. Amukuá mu a kuatela muene henda. Xi, amoximu-phe mu a lendukila ni uoma, maji mu kuzemba o ituxi, katé ni izuatu iâ ia kuata o maxaka ma jivondadi jâ, ja iibha lengenu-iu.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.