II Kolindo 7:10 - O Mikanda Ikola

¹⁰ Kuma o mukondo se a u uzala kuala Nzambi, u bhekela kudiela kubhangesa kubhuluka. O ku kima kala kiki, ki kuene dingi kuila tamanu ki nga ki bhangele. Maji o mukondo-phe ua mundu, u bhekela kufua.

II Kolindo 7:10 ပူးပေါင်းရင်းမြစ်များ

Dimatekenu 30:1

Lakele-phe kia mono kuila Jakobo kala ku mu vualela ana, Lakele u kala ni dixinga dia phangʼiê; anga u ambela Jakobo, uixi: Ngi bhane ana; o ki u kamba ku ngi bhana ana, ngi fua!

II Samuuele 12:13

Davidi anga u ambela Natane, uixi: Nga te kituxi kua Jihova. Natane anga u ambela ue Davidi, uixi: Kidi, maji Jihova ua ku loloka kiá kituxi kié, kua-nda kufua, kana.

II Samuuele 13:4

Anga u ambela Aminone, uixi: Abha-phe, eie u monʼa muenexi, ua mu bhelela-hi kiki izuua ioso? Ku ngi tangela-kiu kioso ki uala na-kiu? Aminone u mu tangela, uixi: Mukonda Tamala ndenge ia phangʼiami Abisalone, nga mu uabhela.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

I Jisobha 21:4

Bhenhobho Akabe uiza ku bhata diê, ua luuala o ku muẋima kua mu dimbuluka ni kuthathamana, mukonda dia kizuelu kia Nabote, mukua Jizeleele, kia mu tangela, uixi: Ki ngi tena ku ku bhana o undundu ua ngi xila jitata jami. Anga uiza, u zeka mu hama iê, ni pholo ia biluila ku mutôto, anga u dituna o kudia mbolo.

Jisálamu 38:18

Nga di ẋikina-phe o kuêla kuami; kituxi kiami ngi ki diéla, né ngi ki talela hadi.

Jisabhu 15:13

O muẋima se ua tana, pholo ikemba kiengi; maji o ki kata muẋima, ni nzumbi ia muthu idisuuata.

Jisabhu 15:15

Mukua-hadi izuua iê ioso ia lamba ngó; uoso-phe mukua muẋima uatana, ió muene mukua jifesa jakalʼé.

Jisabhu 17:22

Muẋima ua sanguluka, u di bhanga milongo ia mbote mu mukutu ua muthu; maji o muẋima-phe ua budika ni dilamba, u kukutisa ifuba.

Jisabhu 18:14

Muthu ki mu bhetula mu kukata, o muẋima uê-muène; maji se muẋima ua budika, mukuahii u tena ku u bhetula?

Ndongixi 7:3

O dilamba kota jingolela ndenge, mukonda o pholo kioso ki i luuala, o muẋima u kala dingi kiengi.

Jelemiia 31:9

À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.

Izekiiele 7:16

Kua kà subhuka ngó oso a kà subhuka momuʼâ, maji a kà di uanena ku milundu uila membe a jihonga, ene oso a kuata o kukema muthu ni muthu, mukonda dia kuiibha kuá.

Jona 3:10

Kienhókio Ngana Nzambi anga u mona ikalakalu iâ, ni kioso kia diela ku jinjila jâ ja ku bhengalala. Ngana Nzambi anga u lunguluka, u bhomba muẋima uê, o kiaiibha kia tangele ku a bhanga ka a bhange-kiu dingi.

Jona 3:8

Maji o athu ni ibhaku a di kuta jisaku; hé a dikola ni nguzu kua Ngana Nzambi, a diele, kala muthu ku njila iê ia bhengalala, ni ku ikuma ia maku mê.

Jona 4:9

Bhenhobho Ngana Nzambi u tangela Jona, uixi: Kifua ua fika kuma eie ua lunguʼé kukala ni njinda mukonda dia músala ua dinhángua? Jona uitaia, uixi: Xi! Nga lunguʼami muene, o kukala ni njinda ni kuinda kúfua.

Matesu 26:75

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 18:13

O mukua kutambula lubhaku-phe, uemana dikanga, ka bhumina kuzambula mesu ku diulu, maji u di bunda bhu thulu, uixi: Nzambi, ngi kuatele henda, eme ngi mukua ituxi.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

II Kolindo 7:9

Maji kiki-phe nga sanguluka, kana mukonda mua kuatele mukondo, mukonda dia mukanda uami, maji mukonda o mukondo uenhó ua mi bhekela kudiela. Kuma o mukondo u mua kuatele, ua u uzala phala enu ki mu tunuke ni kima mukonda dietu etu.

Jihebeleu 12:17

Kuma enu mua kʼijiia, kuila, muene kua sukʼuku, uendile kiua ku tambula o dibesá dia tatʼâ. Maji a mu ditunu, mukonda ka mono bhuma bhua tena kulungulukila, sumbala ua di soto ni muanu, ni kudila masoxi.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.