II Kolindo 7:1 - O Mikanda Ikola

¹ O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

II Kolindo 7:1 ပူးပေါင်းရင်းမြစ်များ

II Malunda 19:9

Anga u a tendelela, kuila: Muenda kienʼiki, mu uoma ua Jihova, ni ujitu, ni muẋima ua muvimba.

Jisálamu 119:9

Munzangala ua diiala u di zelesa kiebhi o uendelu? Ki kale u di langa kiambote, kala kiambe o maka mé.

Jisálamu 19:9

Uoma ua Nzambi ua ujitu, ua kenzuluka, ki u tena dingi kubhua-ku; o mabatuilu ma Jihova ma kidi, ma sokela, o mene moso ma iukila kumoxi.

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 20:9

Mukuahi muene u tena kuamba: Eme muẋima uami nga u ixika muene, nga zele muene, ki ngala ni kituxi?

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Ndongixi 11:10

Kala kiki-phe, o njinda sondololaiu ku mu muẋima ué, o xitu ié ku iehele mu kubhanga kiaiibha, mukonda o undenge ni unzangala ue, kingoho kiene.

Izaía 1:16

Di sukudienu, mu dizelese, phulu ioso ia ibhangelu ienu katulenu-iu, i tunde ku mesu mami, ehenu o kubhanga kiaiibha.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Jelemiia 13:27

Isunji ié nga i mono, ni jiphanda jé, ni kuzuluma kué kala kabalu, ni undumbu ué ua vulu kinéne u ua bhangela ku milundu mu mukáu; Jeluzaleme, lamba dié! Abha ngué ku di zelesa? Ukala kienhokio ʼté bhebhi, tata?

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Ijila 13:58

Maji-phe, hé o kizuatu, mba jidinha jòleke, mba thanga iòtunge kiá mba kima kiòtunge ni ibha, a ki sukule dingi lua kaiadi, kuabhu, kia di xala kiua, kia zele.

Matesu 12:33

Kikale o muẋi mu u mona kuuabha, ni ibundu iê iauabha; mba mu mona o muẋi kuiibha, ni ibundu iê iaiibha; mbata muẋi a u ijidila ku ibundu iê.

Matesu 5:48

Kikale-phe mu zubha kutenena kala kia tenena Tata ienu uenu mu diulu.

Matesu 5:8

Azediua a zela o muẋima, ene à mona Nzambi.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

II Kolindo 1:20

Né mbe ikanenu ia Nzambi i vula kinéne, kua muene kua kala kiene, kua muène ue ku tunda o kuila Amén, ki bhekela ku mbandu ietu tu fumanesa Nzambi.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

Jihebeleu 6:9

Sumbala tua zuela kienʼiki, enu-phe akuetu ki iene ima i tua mi fika enu. Tua mi fika ni ima ia lungu ni kubhuluka.

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

I Phetele 1:15

Kuma-phe o Nzambi ua mʼ ixana ua zela, enu uenu ki kale mu zela mu uendelu uenu uoso.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.