II Kolindo 6:4 - O Mikanda Ikola

⁴ Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 6:4 ပူးပေါင်းရင်းမြစ်များ

Izaía 61:6

Maji enu-phe a kà mʼixana Jinganga ja Jihova, a kà mʼixana Akunji a Nzambi ietu; mua kà dia ku jinzungule ja akua jixi, o mu fuma ia ene enu muene mu mua kà fumanena.

Jouele 1:9

Mʼonzo ia Jihova o jisata ja makudia ni makunua ja batuka-mu; akuetu jinganga, o jingunza ja Jihova, lamba dia a kuata.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Luka 21:19

Mu kukolokota kuenu, muene mu mua-ndu muena o mienhu ienu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 2:22

Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Jipoxolo 20:34

Enʼuenu mua kʼijiia kuma o maku ami iá, ene a ngi bhandulula mu ioso i tua bhindamene na-iu, ni eme ni akuetu u nga di nhengene-nâ.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Loma 16:10

Menekenenu Apele, fiiele iangene ia Kristu. Menekenenu akua dibhata dia Alixtóbulo.

Loma 3:5

Maji se o kutondala kuetu-phe kua sedivila phala kulondekeza o kuiuka kua Nzambi, tuila kiebhi? Manhi tuila Nzambi ua tondala mukua ku tu beta ni njinda? (Bhabha eme nga ki ambe ngó mu uzuelelu ua athu).

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

I Kolindo 3:5

O kiki-phe, Apolo mukua-hi? O Phaulu ue mukua-hi? Etu tuala-phe ngó tu jingunza ja Nzambi; o kokuetu kuene ku mua xikanena Ngana. Kala muthu mudietu-phe ua mu bhanga o kikalakalu kioso kia mu bhana Ngana.

I Kolindo 4:1

Etu tua tokala kuila enu mu tu banza kuma tu jingunza ja Kristu, tu imbadi a tu tuika kulonga o kidi kia ijinganu ia Nzambi.

I Kolindo 9:11

Se etu tua mi kunina ima ia nzumbi, manhi ki kala musanu, se tua munu ku jimbote jenu mu xitu?

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 11:27

Mu kukalakala kuavulu, ni mu kuiokojoka. Nga bhiti ma usuku mavulu sé kuzeka. Ngene kutala hadi luavulu ni nzala, mu kuenda ni mbambi, ni tuẋi.

II Kolindo 11:9

O tembu ioso i nga kexile ni enu ki nga bhindamene kitadi, kana muthu mudienu nga mu nemenene. Mukonda o jiphange ja tundile ku Masedonia, a ngi bhekelele ioso ia ngi kambele. Mu ima ioso tunde ku dimatekenu nga lengesa o ku mi nemena, ni kiki ue ki ngi xikina ku mi nemena.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

II Kolindo 12:12

Kidi kiene, o ima iedikiza o upoxolo uami, iokalakale mu ʼaxaxe kenu ni muanu uoso. Ijimbuete ia isumua ni madiuanu, ni jinguzu javulu.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

II Kolindo 4:8

A tu xina mbandu ni mbandu, maji ka tu tolola. Sai ithangana tu kala mu jiphata, maji ki tu kala ni kikote.

II Kolindo 7:11

Talesenu kioso kia bhange Nzambi ni mukondo uenu: Muene ua mi bhangesa kukala mu athu a ujitu dingi, kienhokio ue enu mu edikiza kuma ki muala ni kuêla. Kuthathamana kuahi ngó ku mua kexi na-ku! Uôma uahi u mua kexi na-u, ngunzu iahi i mua ngi kuetelele, muanu uahi, lusolo luahi ngó mu kubazela kiaiibha! Mu ima ioso iii mua dʼidikiza kuma mua zele mu mulonga uenhó.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

I Tesalonika 3:7

Mukonda dia kiki, enu jiphange, muẋima ua tu tula mu kutata kuetu ni jihadi, mù kuivua o kuxikana kuenu.

I Tesalonika 5:14

Tua mi ambela dingi, jiphange, lembalesenu oso a juuala, imonha a bazedienu, suinisenu oso a toloka miẋima, kuatekesenu oso a bhuila mu kuxikana, athu a lendukidienu ene oso.

I Timote 2:15

Kiene ue kimoxi, muhatu hàdia ua kà bhulukila mu kuvuala ana, se u jijila kuenda mu kuxikana, ni mu henda, ni mu kukuata kilunji, ni mu kuzela moxi.

I Timote 4:6

Ki u lembalesa ima ienhiʼii ku jiphange ja xikana, u kala u ngunza iambote ia Jezú Kristu, se u di sanza mu maka ma kuxikana mu ua kudila, ni mu ulongelu uambote u uene kukaiela.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

II Timote 2:24

Ngunza ia Ngana-phe ka fuama u kuata mvunda. Maji u kala muthu u lendukila athu oso, u ijiia kulonga kiambote, u xididika.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.