II Kolindo 6:3 - O Mikanda Ikola

³ Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

II Kolindo 6:3 ပူးပေါင်းရင်းမြစ်များ

Matesu 17:27

Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 18:6

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Jipoxolo 19:27

O ki tualʼ iki-phe, se ki tu dimuka, ni ufunu uetu uene uanda kudibota! Ki bhene-phe ngó bhu ki suka! Ni Tembulu iene ia kiteka kia dikota kia muhatu Diiana, anda ku i kita kingoho, katé ni muene Diiana, ene ku mu bheza kuala Azia ioso, ni athu oso mu ngongo, hinu a mu katula o kijingu.

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

I Kolindo 9:12

Se ku kala akuetu ala ni ukota uenʼiú ua kukinga o ima iambote kokuenu, etu kifua ki tu beta kota? Sumbala-phe ukota uenʼ iú etu na-u, maji ki tu solo ku ki bhanga. Inda ima ioso tua soko na-iu, mbebhu o Njimbu Iambote ia Kristu kana ku i fudisa.

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 8:20

Uila kiki, tua bhindamena kuiengesa kuila bhu kala ni athu a tu fika kiaiibha, mukonda dia nzungule ia ujitu iú u tua mu tambula ku mukungu.