II Kolindo 5:5 - O Mikanda Ikola

⁵ Muène Nzambi ua tu iudika phala ku tu bilula kienhiki iú ua tu bhana-ku kiá o diẋîkina dia Nzumbi iê mu ima ioso ia-ndo tu bhana.

II Kolindo 5:5 ပူးပေါင်းရင်းမြစ်များ

Izaía 29:23

Kioso kia kà mona muiji uê, kikalakalu kia maku mami muʼaxaxi kâ, euá, dijina diami a kà di kôlesa; Dilemba dia Jakobo a kà mu xila; Nzambi ia Izalaiele a kà mu kala ni uoma.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Loma 8:23

Ki iene ngó, maji ni etu uetu, tua nomona-ku kiá ku Nzumbi ia Nzambi, tuala kikema moxi dietu kiosuʼ iki tuala kukinga Nzambi ku tu bhanga tu anʼ ê, ni ku tu kula o mukutu uetu uoso.

II Kolindo 1:22

uedi ni ku tu ta kidimbu, ni ku tu bhana diẋîkina dia Nzumbi iê ku miẋima ietu.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.