II Kolindo 4:8 - O Mikanda Ikola

⁸ A tu xina mbandu ni mbandu, maji ka tu tolola. Sai ithangana tu kala mu jiphata, maji ki tu kala ni kikote.

II Kolindo 4:8 ပူးပေါင်းရင်းမြစ်များ

Jisálamu 129:2

A ngi huha luavulu muene ni ku ngi talesa hadi tunde mu undenge uami, maji a lémbua ku ngi tolola!

Jisálamu 37:33

Jihova-phe ka mu ehela bhu maku mê; né ku mulonga, ka tena ku mu êlesa.

Jisabhu 14:26

Muthu mu kuxila Jihova mua mu kala kidielelesu kia kolokota; ni anʼê a sanga jinga disuamenu mua muene.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Habakuke 3:17

Kuma né-mbe hanji o mufiku ki u tulula, mba ku kala ibundu ku muvide; o ibundu ia mudiva i kala makutu, o mábhia ue a kamba kubhana idima; o jimbudi joso ja kilunga a jʼambata, anga mu ibhanga ioso mu xalʼé ngó sé jingombe;

Nzuá 14:18

Ki nga-nda ku mi xisa ubheka kala mu jihukunhu, hinu ngi mi sanga ni ngi kale jinga ni enu.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

II Kolindo 6:12

Mixima ietu ki tu i jika phala enu, enu-ku mua jika o miẋima ienu phala etu.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 7:5

Mukonda tunde ki tua bhixidile ku Masedonia, xitu ietu ki ia tenene kubatama. Mu ididi ioso hadi ia tu kondele ku mbandu ni mbandu, jimvunda ni akuetu, ni uôma moxi ku miẋima ietu.

Ngalásia 4:20

Nginda ngi kala kindala mu ʼaxaxe kenu, ni ngi lungulule dizui mu kuzuela ni enu. Kuma muẋima ua ngi sakalala kiavulu mukonda dienu!

I Samuuele 28:15

Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.

I Samuuele 31:4

Saúlu anga u ambela kibese kiê, uixi: Fomona xibhata u ngi tome-iu u ngi kube-iu mu mixima; sumba akuamabôlo enhá eza, a ngi zubhidisa, a ngi bhanga kasekelelu. Kibese kiê-phe nguaiʼê ku ki bhanga, kuma uala ni uoma uavulu. Mukonda dia kiki, Saúlu muene u sunga o xibhata u di kuba ku pondo iê.