II Kolindo 4:16 - O Mikanda Ikola

¹⁶ Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua.

II Kolindo 4:16 ပူးပေါင်းရင်းမြစ်များ

Jisálamu 119:81

Muenhu uami ua senduka ni ku kinga o ubhulukilu ué, maji kizuelu kié nga ki dielela.

Jisálamu 27:13

Ngeje kuzônda se nga kambele kudielela o kumona hanji jimbote ja Ngana, kulu dia mundu kunu.

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Jisálamu 73:26

Xitu jami ni muẋima moxi, né ji jila, Nzambi-phe muene nguzu ia muẋima uami, muene undundu uami u nangenena.

Izaía 40:29

Muene ubhana huiii kua ió uazôndo, o ua kambe nguzu u mu bhana kusuína kuia ni ku di bandekeza.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Jelemiia 45:3

Eie, uambe, uixi: Kindala, kokolo diami, tatʼé! Kuma ku thandu dia hadi i ngala kumona, Jihova ua ngi ueza-ku dingi dilamba! Nga zondo ni kukema kuami, nhohenu nga di lémbua.

Luka 11:3

Tu bhane o kúdia kuetu kua kizuua ni kizuua ku tua bhindamena.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Loma 7:22

Ngejiia kuma moxi diami nga sangulukila o Kitumu kia Nzambi.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

II Kolindo 12:15

Eme ngi ki sangulukila kiavulu o ku mi texila ioso i ngala na-iu, katé ni eme-muène ku di bhana mu kusota o mienhu ienu. Kifua se o henda iami iia ni kuvula, enu o ienu iia ni kusosoloka?

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 4:23

Phala mu biluke kiengi mu ilunji ienu ni mu miẋima ienu moxi.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.

I Phetele 3:4

Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.