II Kolindo 4:11 - O Mikanda Ikola

¹¹ Kuma etu kioso ki tuala mù laia, izuua ioso tuala bhu kibhidi kia kufua mukonda dia Jezú, phale o muenhu ua Jezú ue u monekene mu xitu ietu ia kinga o kufua.

II Kolindo 4:11 ပူးပေါင်းရင်းမြစ်များ

Jisálamu 141:7

Mukuâ ni ibhasu ia matadi ia di muangena mu kikoka, kiene ue ifuba ietu ia sekumuka ii ia di muangena bhu kanga, dia kina.

Jisálamu 44:22

Xi, kuma o ki tualʼiki-phe, a tu jibha-jibha izuua ioso, mukonda dié eie; a tu kita mukua ni jimbudi jiia bhu dijibhilu.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

I Kolindo 15:31

Phange jami, eme o kalunga ka ngi zukama izuua ioso! O kienʼ iki se nga ki ambe, nga ki ambela o kuzangalala ku ngala na-ku mukonda dienu enu, mu kisangela ni Jezú Kristu Ngana ietu.

I Kolindo 15:49

Mukuâ ni ki tua di fuangana ni muthu ió a mu bhangele ni mavu ma bhoxi, kiene ue ki tua kà di fuangana ni Muthu ió mukua diulu.

II Kolindo 4:10

Tualu kuambata jinga mu mukutu uetu ua kalunga o kufua kua Jezú, phale o muenhu ua Jezú ue u monekene mu mukutu uetu.

II Kolindo 4:12

Kienhiki kalunga ka bhanga o kikalakalu kiê mo muetu, maji o muenhu-phe u bhanga o kikalakalu kiê mo muenu.

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.

II Kolindo 6:9

kala tu athu ka tu ijiia, manhi a tu ijiia muene kiambote ku athu oso; kala tu athu tua-fu, maji kala ki mua ki mono, etu-etu-ú ni muenhu. Bhu kala ni bhabha a tu bunda ni kibetu, maji ki tu fu.