II Kolindo 4:10 - O Mikanda Ikola

¹⁰ Tualu kuambata jinga mu mukutu uetu ua kalunga o kufua kua Jezú, phale o muenhu ua Jezú ue u monekene mu mukutu uetu.

II Kolindo 4:10 ပူးပေါင်းရင်းမြစ်များ

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Loma 6:5

Kuma etu se tua di bande kua muène mu kidifua kia kufua kuê, tua kà di banda-nê ue mu kidifua kia kufukunuka kuê.

Loma 6:8

Etu-phe se tua fu kiá kumoxi ni Kristu, tua xikana kuma tu kala-nê uê kumoxi ku muenhu.

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

II Kolindo 1:5

Uila ki tua tambula mbandu ku jiphaxi ja Kristu, kiene ue, mua Muène, ki tua tambula mbandu ku dikuatekesu diê dia dikota.

II Kolindo 1:9

Etu-ene moxi dietu tua tambuile kiá lubhe lua kalunga kala athu a xikamena o ku a jibha. Maji kia tu bhiti kienʼ iki, phala ki tu di fiiale etu-ene, maji tu di fiiale Nzambi, u tena kufukununa o madifundu.

II Kolindo 13:4

Sumbala muène a mu tele ku dikulusu mu kikexilu kia kubhuila, maji iú-uê ku muenhu mu nguzu ia Nzambi. Etu uetu tua bhuila mua muène, maji muandù mona kuma tuala ku muenhu ni Muène mu nguzu ia Nzambi phala ku mi kuatesa enu.

II Kolindo 4:11

Kuma etu kioso ki tuala mù laia, izuua ioso tuala bhu kibhidi kia kufua mukonda dia Jezú, phale o muenhu ua Jezú ue u monekene mu xitu ietu ia kinga o kufua.

Ngalásia 6:17

Kala kiki, ku pholo ku tuia, ki bhu kale dingi muthu u ngi tela ima i ngi tatesa. Kuma o itote i ngʼ ambata ku mukutu uami, iene idimbu ia mu kuidikisa kuila ngi selevende iangene ia Jezú.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

II Timote 2:11

Makʼ ama ma fiiele, ma kidi: Se Kristu tua fuila-nê kumoxi, tua kà kala-nê kumoxi ku muenhu.

I Phetele 4:13

Inda kiosuʼiki-phe a mi bhana-ku mbandu ku jiphaxi ja Kristu, tanenu-ku, phale bhuoso bhua kà tukuluka o fuma iê, enu uenu mua kà tana ni ngalasa iavulu.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.