II Kolindo 4:1 - O Mikanda Ikola

¹ Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

II Kolindo 4:1 ပူးပေါင်းရင်းမြစ်များ

Izaía 40:30

O minzalngala a zonda, a bhuila; o makuenze a mala ni kidi muene a di bala, a lémbua muene toko-toko.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Jelemiia 45:3

Eie, uambe, uixi: Kindala, kokolo diami, tatʼé! Kuma ku thandu dia hadi i ngala kumona, Jihova ua ngi ueza-ku dingi dilamba! Nga zondo ni kukema kuami, nhohenu nga di lémbua.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

I Kolindo 3:5

O kiki-phe, Apolo mukua-hi? O Phaulu ue mukua-hi? Etu tuala-phe ngó tu jingunza ja Nzambi; o kokuetu kuene ku mua xikanena Ngana. Kala muthu mudietu-phe ua mu bhanga o kikalakalu kioso kia mu bhana Ngana.

I Kolindo 7:25

Ki tu kuata ku maka ma makudi a anʼa ilumba, ki ngala ni kijila kia ngi bhana Ngana. Maji ngi mi longesa-phe kioso ki nga fika, eme uami ngi muthu a ngi kuatekesa kuala Ngana kukala fiiele.

II Kolindo 3:12

Mukonda-phe dia kukala ni kudielela kala kiki, kiene ki tua bhuila o uôma.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 4:16

Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua.

II Kolindo 5:18

Ima ioso-phe iii, Nzambi muene na i bhange, ua tena ku tu lunguluila mua Kristu ni tu kale tu makamba mê etu tua kexile tu jinguma, iú ua tu bhana o kikalalalu kia kubhanga kuila akuetu uâ a biluka makamba ma Kristu.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

II Tesalonika 3:13

Maji enu-phe, jiphange, kana kukuata usudi mu kubhanga kiambote.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

Jihebeleu 12:3

Muène mu xinganekienu, ua kolokotele ni kuẋinuka kuosuʼ oko kua mu idikiza akua ituxi. Uila kiki, enu ki mua tokala kubhuila, mba mu lémbua hé mu takuila bhoxi.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.

Dijingunuinu 2:3

Uala u mukua muanu, ua kolokota ni kutala hadi mukonda diami, ku bhuila.