II Kolindo 3:7 - O Mikanda Ikola

⁷ O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

II Kolindo 3:7 ပူးပေါင်းရင်းမြစ်များ

Dimatekenu 3:21

Ngana Nzambi anga u tungila Adá ni mukajiʼê, jimbinza ja ibha, anga u a zuika.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Jisálamu 119:174

O kubhuluka kué, u Jihova, nga ku kuatela o hânji; mu ngonge ié muene mua ngi kala o kuzediua kuami.

Jisálamu 119:97

Ngonge ié ku ngi uabhela kuahi! Ngi i xinganeka kumbi dioso dia kambàmba.

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 32:19

Mu kuia ni kuenda-phe, kia zukama ku kibangu, u mona ndumbe ia ngombe ni kukina kua mu kina o mundu; njinda ia Mozé i uama, o ibasakasa ia matadi ia kuata bhu maku u i takula bhoxi anga i budikila mu betekete ia mulundu.

Makatukilu 34:1

Bhenhobho Jihova anga u ambela Mozé, uixi: Bhasa dingi mabaia aiadi a matadi kala ió a diangele; eme ngi soneke-ku dingi o maka oso a kexile ku ibasakasa ia mukuá i ua bulu.

Jipoxolo 6:15

Athu oso a xikama bhu Kionge kia Jitata, kia mu idi sûi, a mona kuila o pholo iê ia biluka mukuâ ni pholo ia anju.

Loma 10:4

Kuma Kristu muene o dizubhilu dia Kitumu, phala ió uoso u xikana, a mu lungise kuala Nzambi.

Loma 4:15

Mukonda o Kitumu ki bhekela njinda. Maji bhua kambe o Kitumu kana-bhu ue kikuma kia kutondala Kitumu.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 7:10

O ki ngeza-ku, kijila kia tokalele ki bhana muenhu, kia ngi bhekela kufua.

Loma 7:22

Ngejiia kuma moxi diami nga sangulukila o Kitumu kia Nzambi.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

I Kolindo 13:10

Hinu-phe kià kèza kiatenana, kiala ngó mbandu ki bhua-ku.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 3:8

Se-phe o Kitumu kia tokala kubheka ngó kalunga, kieza ni kubenha kua kikalakalu kia Nzumbi ia Nzambi!

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Ngalásia 3:21

Manhi o kiki tuila kuma o Kitumu kia di zembe ni jipolomesa ja Nzambi? Ki kiene! Mbata se a bhele Kitumu ki tena kubhana muenhu ku athu, ni kidi kiene o muthu kulunga bhu pholo ia Nzambi, kuejù kala kua Kitumu.

Matendelelu 4:13

Bhuene bhua mi bhela o kikutu kie-muene, kia mi xindila o kuinhi dia Ijila iu ua mi ambela, uixi: Kumbidilenu-iu, anga muene u i soneka ku mabáia maiadi ma matadi.

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Matendelelu 5:22

Makʼama mene Jihova ma jimbuila mundu uenu uoso ki mua bhongolekele bhu mbanduʼa mulundu, anga muene uzuelela mu kaẋi ka túbhia, mu matuta maxiti mavundu, ni kuene buí, o dízui diia ni kubhana mutendu ua suina, kuabhu-phe, ka te-ku dingi kima; kienhókio iú ua ma sonekene ku mabáia maiadi ma matadi; anga u ngi bhana-nâ eme.

Matendelelu 9:15

Kienhokio-phe eme nga biluka, anga ngi kulumuka o mulundu; o mulundu-phe iu ufuáfua túbhia; o mabaia maiadi ma kikutu eme-nâ bhu maku mami maiadi.

Jihebeleu 12:18

Mbata enu ki mu eza, kala ki ejiie o mundu ua Izalaiele, bhua zukama ni kima kiẋikina ku ki babata kala o mulundu ua Sinai, ua uama tubhia, ni kuvunda kuê, ni usuku-ua-nzumba, ni kufuafua dixi,

Jihebeleu 3:3

Uoso-phe u tunga dibhata, u kala kota ku fuma, o dibhata diene ndenge. Kiene ue, Jezú, a mu mono ku fuama fuma iavulu, Mozé ndenge.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.