II Kolindo 3:5 - O Mikanda Ikola

⁵ Ku ubheka uetu, momuetu etuène kana-mu kima ki tu bhekesa kuzuela kuila tua tena kikalakaluʼiki. Mukonda o kutena ku tuala na-ku tunda kua Nzambi.

II Kolindo 3:5 ပူးပေါင်းရင်းမြစ်များ

Dimatekenu 41:16

Zuze anga u vutuila Falaó, uixi: Kiókio ki eme ngala nakiu; Nzambi muene u bhana kua Falaó o dijimbuluilu di tululuisa.

II Malunda 30:12

Lukuaku lua Ngana Nzambi phe lua kexile mua Juda, lu lua a bhana muẋima umoxi ngó, mu ku bhanga ioso ia tumu sobha ni makota mê, kala kioso kia tange o kizuelu kia Jihova.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Luka 24:49

Talenu, nga-nda ku mi tumikisa o kikanenu kia Tata. Xikamenu-phe mu mbanza mumu, katé kia mi zuika ni nguzu i tunda bhulu.

Nzuá 15:5

Eme ngi muxi ua muvide, enu mu jithangu. Uoso u xala mo muami, eme ni ngi xala mo muê, ió u bhana ibundu iavulu; mukonda se mua batuka ko kuami, ki mu tena kubhanga kima.

Loma 15:18

Kuma ki ngi di metena ima iengi, maji ngi tanga ngó ioso ia kalakala Kristu ni eme mu kubhangesa akua jixi jengi kutumaka Nzambi. Kieniiki ngene ku ki bhanga jinga ni ku maka ni ku ikalakalu,

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 3:10

Mu kukalakala ni kiadi kia Nzambi, kioso kia ngi bhana, kuma ngi mutungi a hete, eme nga te disesa bhoxi, o mukuetu iú ua tungu ku thandu diê. Uoso-phe muthu u tunga, a di lange o utungilu uê.

I Kolindo 3:6

Eme nga kunu o mbutu, Apolo ua i tekela, maji o ua i kudisa-phe Nzambi.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.