II Kolindo 3:3 - O Mikanda Ikola

³ Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

II Kolindo 3:3 ပူးပေါင်းရင်းမြစ်များ

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 84:2

Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 31:18

O kia zubha ku di kunda ku mulundu ua Sinai, muene u bhana kua Mozé ibasakasa iiadi ia umbangi, ibasakasa ia matadi, ósoneke ni mulembu ua Nzambi.

Makatukilu 32:15

Mozé anga u aluluka, u kuata kukulumuka mulundu, uambata bhu maku o ibasakasa iiadi ia matadi a umbangi; matadi enhá, a a soneka ku mbandu joso jiiadi; ku mbandu ni mbandu a soneka-ku.

Makatukilu 34:1

Bhenhobho Jihova anga u ambela Mozé, uixi: Bhasa dingi mabaia aiadi a matadi kala ió a diangele; eme ngi soneke-ku dingi o maka oso a kexile ku ibasakasa ia mukuá i ua bulu.

Jisabhu 3:3

O mbote ni kidi kanaku i jimba; kutila-iu muene mu xingu ié, soneka-iu ku dibaia dia muẋima ué.

Jisabhu 7:3

Kutila ijila iami ku milembu ié, soneka-iu ue ku dibaia dia muẋima ué.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 17:1

O kituxi kia Juda kiòʼsoneke ni songo ia felu, iala ni sungu ia diiamande, kiòʼsete ku dibaia dia muẋima uâ, ni ku jimbinga ja jithungi ja kalatódio jâ.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Izekiiele 11:19

Hé nga kà a bhana muẋima uâ umoxi, o moxi diâ anga ngi ta-mu nzumbi ia ubhe; o muẋima ua ditadi uala mu xitu iâ nga kà u katula-mu, hé ngi bhinganesa-mu muẋima ua jixitu.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

I Kolindo 3:5

O kiki-phe, Apolo mukua-hi? O Phaulu ue mukua-hi? Etu tuala-phe ngó tu jingunza ja Nzambi; o kokuetu kuene ku mua xikanena Ngana. Kala muthu mudietu-phe ua mu bhanga o kikalakalu kioso kia mu bhana Ngana.

II Kolindo 3:6

Mbata muène ua tu lendesa kukala tu jingunza ja kikutu kiobhe. Kuma o kitumu kia kusoneka ni mixinda ki jibha, maji o Nzumbi ia Nzambi-phe i bhana muenhu.

II Kolindo 3:7

O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

Jihebeleu 10:16

Kiene o kikutu hinu ki nga kà ta ni ene ki zubha kubhita o izuuʼoio, eme ngi Ngana. Nga kà ta o ijila iami mu miẋima iâ, anga nga kà i soneka mu ilunji iâ.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki:

Dijingunuinu 2:12

O Anjo ia Ngeleja ia Pelengamo, mu sonekene kiki: Eme ió uala ni xibhata iatu ia mazu aiadi, uambe kiki:

Dijingunuinu 2:18

O Anjo ia Ngeleja ia Tiiatila, mu sonekene kiki: Eme Monʼa Nzambi, uala ni mesu mê medi kala mulengu ua túbhia mu kubenha, ni inama iê mukuâ ni utadi ua ngôndo ualuendela, uambe kiki:

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki:

Dijingunuinu 3:22

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?